كتب : شريف عبد القادر | الأربعاء، 22 يوليه 2015 - 17:36

العلاقة بين الفاكهة والشعير في القمة

ردود أفعال جماهير الأهلي والزمالك بعد القمة تمتاز بإنكار عجيب للواقع أو تزييف لحقائق لمجرد "غيظ" المنافس وللأسف ولكن جمهور الفريقين نسي العلاقة بين اللي هو قاله واللي هو يقصده واللي المنافس سمعه!

دائما جمهور أي فريق أو بعض تصريحات بعض اللاعبين لا تتماشى مع المنطق ولكن قمة الثلاثاء فاقت كل التوقعات في ردود الأفعال غير المنطقية.

الحوار هنا تخيلي لا علاقة له بالواقع ولا يستند لاستطلاع رأي أو أغلبية أراء جمهور بعينه سواء الأهلي أو الزمالك ومقتبس من حملة إعلانات منتج فيروز.

جمهور الأهلي قال: هتعرفوا تكسبونا امتى؟

هو يقصد: نكدنا عليكوا الدوري اللي هتاخدوه

جمهور الزمالك سمع: احنا فرحانين بماتش رغم اننا خسرنا الدوري

جمهور الزمالك قال: أخركوا تفرحوا بالفوز علينا!

هو يقصد: يلا نصيبنا كده بس هناخد الدوري

جمهور الأهلي سمع: احنا هنموت من الغيظ

رمضان صبحي قال: شفت دي

هو يقصد: أنا جامد جدا

حازم إمام سمع: لا هو الحقيقة مسمعشلأنه كان بيشوطه

بيان الأهلي قال: شفت مرتضى عمل إيه!

هو يقصد: مش هنصغر نفسنا!

مرتضى سمع: إنت مش عارف ترد عليا

مرتضى منصور: الزمالك لن يقيل مدربا بعد كل خسارة!

هو يقصد: ما أنت لو مدرب بجد كنت كسبت الأهلي

فيريرا سمع: ليلتك سودا

الأهلي قال: مؤمن ولا باسم؟

مرتضى رد: مؤمن تحت السيطرة

بس الأهلي: سمع لا إلا مؤمن! مؤمن لأ

ملحوظة: إذا اعترفت كأهلاوي إنك بتغلي علشان الدوري وإن وليد سليمان كان بيمثل، وكزمالكاوي إن الماتش نكد عليك وإن حركة رمضان مستفزة بس متستاهلش رد الفعل ده هتلاقي الموضوع منطقي أكتر.

للتواصل مع الكاتب عبر تويتر ناقشني

مقالات أخرى للكاتب

نرشح لكم

أخر الأخبار

التعليقات

قد ينال إعجابك