0
EN

بالفيديو - فوز درامي للإسماعيلي على الجونة .. وشجار بين صبحي وشادي

اقتنص الإسماعيلي فوزا دراميا على مضيفه الجونة في المرحلة الـ18 للدوري الممتاز بنتيجة 3-2 عصر الاثنين، ليستعيد الدراويش الوصافة.

فقد تقدم الإسماعيلي في الدقيقة السادسة عن طريق عبد الله السعيد، قبل أن يعزز جون أويري التقدم في الدقيقة 48.

وقلص أحمد حسن "دروجبا" الفارق بهدف للجونة في الدقيقة 55، لكن سجل جودوين ندبسي الهدف الثالث للإسماعيلي في الدقيقة 90.

لكن الدقائق الخمس المحتسبة كوقت بدل من الضائع جلبت هدفا للجونة عن طريق شريف أشرف في الدقيقة 92، وطردا لدروجبا في الدقيقة 94 وآخر لشادي محمد في الدقيقة 95 بعد شجار مع زميله محمد صبحي.

وبذلك رفع الإسماعيلي رصيده إلى 34 نقطة ليعود للمركز الثاني قبل مباراة الأهلي ـ 32 نقطة ـ مع المصري البورسعيدي في المرحلة ذاتها، بينما توقف رصيد الجونة عند 19 نقطة في المركز الحادي عشر.

وزين الانتصار بداية متميزة لعماد سليمان المدير الفني الجديد للدراويش الذي جاء خلفا للمقال مارك فوتا منذ أيام.

كما كسر الانتصار الأصفر سلسلة النتائج السلبية للإسماعيلي، التي بدأت بخسارة ثقيلة أمام سوفاباكا في الكونفدرالية 4-0 ثم تعادلين في الدوري أمام بتروجيت وإنبي.

جون أويري

وضع عماد سليمان لمساته على تشكيل الإسماعيلي، إذ أعاد محمد سليمان "حمص" كأساسي، مع الدفع بالسعيد وأويري خلف جودوين.

ولم تشهد الدقائق الأولى مرحلة هدوء، إذ أهدر عرفة السيد مهاجم الجونة فرصة من داخل منطقة الجزاء بتصويبة ضعيفة لم يجد محمد صبحي صعوبة في الإمساك بها.

ورد أويري بتصويبة قوية بعد تمريرة من السعيد، لكن محمد عبد المنصف ردها بيده بقوة.

وأسفر الثنائي أويري والسعيد عن تقدم مبكر للدراويش، بعدما صنع المهاجم النيجيري عرضية رائعة حولها الأخير برأسه في شباك عبد المنصف.

وعانى جودوين طوال الشوط الأول الوحدة التي خلفها غياب محمد محسن أبو جريشة بسبب الإيقاف، إذ لم يجد المهاجم النيجيري أي تعاون رغم حصوله على عدة كرات في مناطق خطرة.

وأنهى عرفة السيد الشوط بتصويبة مفاجئة، حولها صبحي لركنية لم يستغلها لاعبو الجونة بشكل جيد.

لكن الشوط الثاني بدأ بهدف مبكر أيضا، بعدما أرسل أحمد سمير فرج عرضية أرضية لأويري، الذي وضعها بشكل ماكر في الزاوية البعيدة لعبد المنصف.

صحوة الجونة .. وركلة جزاء؟

بعد الهدف الثاني للإسماعيلي تراجع لاعبوه للخلف، ما منح لاعبي الجونة القدرة على التحرك نحو الهجوم.

وقلص دروجبا الفارق بعدما نجح في الوصول إلى عرضية أحمد عمران من اليمين قبل صبحي، ليحولها برأسه في المرمى.

وأنقذت العارضة الإسماعيلي من استقبال الهدف الثاني بعد دقيقتين فقط، قبل أن يراوغ عرفة السيد حارس الدراويش ويصوب في الشباك من الخارج.

وحاول عماد سليمان تصحيح الأوضاع بتخفيف الضغط على لاعبيه، فدفع بعمر جمال بدلا من أحمد الجمل ليعاون أويري والسعيد في الدقيقة 60.

وأثار قرار فهيم عمر حكم المباراة بعدم احتساب ركلة جزاء للجونة في الدقيقة 66 جدلا واسعا، إذ حصل دروجبا على كرة من خطأ فادح لإبراهيم يحيى داخل منطقة الجزاء قبل أن يعود مدافع الإسماعيلي ليأخذ الكرة بالتحام قوي.

ودفع أنور سلامة المدير الفني للجونة بشريف أشرف بدلا من شوقي السعيد، وما لبث أن صوب ركلة حرة مرت بجوار القائم مباشرة.

خمس دقائق ملتهبة

واعتمد الإسماعيلي على الهجمات المرتدة في ظل الضغط المتواصل من الجونة، بفضل سرعة أويري وجودوين.

ومرر أحمد صديق بينية رائعة لأويري الذي انفرد في الدقيقة 77 لكنه لم ينجح في السيطرة على الكرة لينقذها عبد المنصف.

لكن جودوين نجح في الانفراد من منتصف الملعب من تمريرة فرج، وسجل الهدف الثالث للدراويش في الدقيقة 90.

ولم ييأس لاعبو الجونة، إذ واصل صبحي هفواته بعدما أرسل شريف أشرف عرضية لم يتحرك حارس المرمى لها فوجدت الكرة طريقها للمرمى بغرابة.

لكن دروجبا قلل من معنويات رفاقه بعد ارتكاب خطأ استلزم بطاقة صفراء ثانية، ليخرج مطرودا.

وكاد الجونة يتعادل في الدقيقة الأخيرة من عرضية التحم فيها شادي محمد بصبحي لكنها خرجت لضربة مرمى، فقام المدافع الدولي بسب حارس مرماه ليخرج مطرودا أيضا لكن بعد اقتناص النقاط الثلاث.

شاهد واقعة شجار صبحي وشادي محمد

تعليقات فيلجولرز (14 تعليق) اضف تعليق

Otaka   الثلاثاء ، 26 أبريل 2011 - 12:40

مزعلين نفسكو ليه

14

طبيعى ان الاسماعيلاوى يتمنى خسارة الزمالك و الاهلى ( ممكن بنسب متفاوته ) .. زى ما الاهلاوى بيتمنوا خسارة الزمالك و الاسماعيلى و الزمالكاوى يتمنى خسارة الاهلى و الاسماعيلى ... و ده ميزعلش حد و ميخرجش برة المنافسة المحترمة و ميأثرش عن كوننا اخوات فى الاخر
shaaquille   الأثنين ، 25 أبريل 2011 - 23:31

اسمعلااوووى وافتخر

13

واللى بيقولك ان الاهلى هو من يصنع النجوم
على اساس ان الاسماعيلى بيشترى لاعيبة على الجاهز
الاسماعيلى هو من يصنع النجوم
ده المعروف عننــــــــــا
Mando33ahly   الأثنين ، 25 أبريل 2011 - 22:18

بعد كدة

12

انا كلامى للزملكاوية المحترمين يعنى اكيد مش ليك
x21v   الأثنين ، 25 أبريل 2011 - 21:21

حلوه يتعثر دي

11

مش عيب ان اي حد يعلن انتمائه ويشجع فريقه بس من غير تطاول ع الاخرين وبالنسبه للاخ hossamhammam حصل خير يا صديقي واللقاء القادم الفوز فيه هيكون للي يستحقه بس ياريت لو فوزتوا تاخدوا الدوري .....لكن لو احنا اللي فزنا انتظروا المفاجاه وتذكروا كلماتي .....انا ومن بعدي الطوفان viva ismaily
emyahlawyaa   الأثنين ، 25 أبريل 2011 - 21:4

دوري حلو والله

10

بجد الدوري السنة دى حلو وممتع جداً ،، مفيش أحلي من الإثارة أحسن بكتير لما كان الأهلي بينهي الدوري والمنافسة ب7 ولا خمس متشات

وإن شاء الله الزمالك يتعادل بكرة مع إنبي والأهلي يكسب المصري ،، والإسماعيلي يتعثر

hosamhammam هو أنت زعلان ليه واحد بيحب فريقه وبيشجعو وعاوزو ينافس ع الدوري ،، لازم يبقي منافق ويشتم فى الأهلي عشان يبقي حبيبك !! دة أنت إنسان عجيب والله

كبيرة عُشاق النادى الأهلي بالإسكندرية

إيمى الاهلاوية
hosamhammam   الأثنين ، 25 أبريل 2011 - 20:58

الى الاخ x21v

9

متزعلش منى يا اخي انا حبيت بس اعرض وجهة نظري تجاه تعليقك لكن في الاخر احنا اخوات مش بس ولاد عم بس تعليقك ده خلي واحد مريض زي Mando33ahly يقول كلمتين فاضيين زي كلامه المعتاد ... مره تانيه متزعلش منى والاسماعيلي والزمالك حيفضلوا اخوات على طول بغض النظر عن نتيجه اي مباراه بينهم
ولك تحياتي
x21v   الأثنين ، 25 أبريل 2011 - 20:41

الى الصديق hosam

8

انا مش عارف ليه انت بتهاجمني في كل تعليقاتي وليه مصمم اني اهلاوي انا طول عمري اسمعلاوي ولو اهلاوي.... هخاف اقول اني اهلاوي يعني .......يا ريت اسلوب الحوار يبقى احسن من كده شويه انت كل ده زعلان عشان قولت الدور عليكوا يا زمالكويه طيب ماهوه ده الطبيعي واحد اسمعلاوي وبيحب فريقه لازم يتمناله الفوز.....ياريت تتكلم باسلوب كويس لان اسلوبك ده هوه اللي بيعمل فتنه ............انا ومن بعدي الطوفان viva ismaily
x21v   الأثنين ، 25 أبريل 2011 - 20:14

hosamhammamصديقي

7

انا لا اقصد اي اساءه لكن ممكن تعتبر التعليق ده حماس زائد بعد مباراه عصيبه وانتماء شديد للاسماعيلي مع كل الاحترام للاخوه الزمالكويه اصحاب الاسلوب الراقي ف الحوار
Mando33ahly   الأثنين ، 25 أبريل 2011 - 19:52

مبروك يا اسمعلاوية

6

مش عايز اقول عقبال متش الزمالك لان الاهلى و الزمالك و الاسماعيلى فى الاخر اخوات بس هقولكو على نصيحة خلى بالكو من احمد جعفر ملك الاوفسيد و الاخ hosamhammam هو عشان واحد اسمعلاوى قال كدة بقى اهلاوى يا راجل اتقى اللة هدى نفسك كدة لا احسن يطقلك عرق ربنا يهدى امثالك.... متقاش مريض زى الجهاز الفنى بتاعك
hosamhammam   الأثنين ، 25 أبريل 2011 - 19:27

الى الاخ x21v

5

انا اشك انك اسمعلاوي ... لآنك عاوز تستفز جمهور الزمالك الى دايما بيعشق النادي الاسماعهيلي وهو النادي الوحيد الى استضاف الاسماعيلي اثناء المهجر في حرب الاستنزاف ... طبعا كنت انت متولدتش اساسا علشان تعرف كده ... لكن عاوز اقولك ان جمهور الزمالك عمره مزعل من الاسماعيلي حتي لو اتغلب منه علشان هما ولاد عم وده الى حارق دم اخوانا الحمر الى انا شاكك انك واحد منهم
تحيه خاصه للأخ filgoal_master الى بيأكد الكلام الى انا بقوله على جمهور الصفوه الابيض المحترم دائما
filgoal_master   الأثنين ، 25 أبريل 2011 - 18:48

مبرووووك للدراويش

4

مبروك لاولاد العم رغم غياب 5 عناصر من ركائز الفريق إلا كنتوا رجاله والقمه بنا احنا نفوز انتوا تفوروا عادي ا
x21v   الأثنين ، 25 أبريل 2011 - 18:1

الدور عليكوا يا زمالكويه

3

والله ابطال يادراويش .....رغم الاصابات والظروف الصعبه حققتوا الهدف بدايه موفقه للعمده بالتوفيق للدراويش ومرحبا بالزمالك في ستاد المووووووووووووووت ......انا ومن بعدي الطوفان ......viva ismaily
rodford   الأثنين ، 25 أبريل 2011 - 18:1

مش هيطول

2

اكيد مش هيستمر على كدة لانه من الفرق اللى نفسها قصير
وبكرة نشوف
وبعدين ازاى استعاد الوصافة
الشياطين لسة ماقالوش كلمتهم
اهلاوووووووووووووووووووى وافتخر
نحن من نصنع النجوم ولاجلنا تلعب كرة القدم
thegladiator   الأثنين ، 25 أبريل 2011 - 17:58

مبروك للراجل المحترم عماد سليمان

1

كده الاسماعيلي رجع ينافس علي الدوري تاني وهنشوف مباراة الاسماعيلي الجاية مع الزمالك مباراة جامده وفيها تنافس وفي مصلحة الاهلي فوز الاسماعيلي النهارده عشان يلعب ماتش الزمالك بروح بس بصراحة الدوري كده هيولع في حالة ان الاهلي لو كسب المصري (ماتش عنق الزجاجة للأهلي) وربنا يوفق الاهلي وباقي الاندية

اضف تعليق

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

اخر الأخبار

نرشح لكم

تغريدة - صلاح.. يسقط كل من خان، أوسكار إيتو وويليان إنفوجرافيك - صلاح أمام سندرلاند .. مراوغة واحدة لا تكفي بانينكا الحضري بين أهداف رائعة كأس العالم فريق الأسبوع 17

الأكثر مشاهدة خلال اسبوع