0
EN

وليد الحسيني

شيكابالا وأبو تريكة ومجاملات المنتخب

سيئمقبولجيدجيد جداممتاز
الأربعاء ، 17 نوفمبر 2010 - 22:27
(20)

حفلت الساحة الكروية في الأونة الأخيرة بالعديد من المواقف والأخبار التي تستحق التوقف أمامها، في ظل حالة الغضب التي تجتاح البعض، وتزايد حدة التعصب بين جماهير الأندية، واتخاذ مواقف تستحق التعليق.

كان نجم فريق نادي الزمالك شيكابالا مثار اهتمام الجماهير والمسؤولين والخبراء في الأسابيع الأخيرة، بعد تألقه الواضح في مباريات الدوري العام وقيادته للفريق الأبيض لتصدر جدول مسابقة الدوري العام لأول مرة منذ فترة طويلة، ونال إشادة الجميع.

لكن شيكابالا فاجأ الجميع ورفض الانضمام لصفوف منتخب مصر بداعي الإصابة التي شكك فيها البعض داخل الجهاز الفني للمنتخب واعتبرها مجرد محاولة من اللاعب للتهرب من اللعب للمنتخب تحت قيادة الجهاز الفني الحالي مكتفيا باللعب مع فريق الزمالك.

شيكابالا حالة خاصة في الكرة المصرية في الفترة الأخيرة، بما يملكه من موهبة واضحة، لفتت أنظار الجميع إليه، ولكن لابد وأن هناك أسبابا وراء عدم انضمامه لصفوف المنتخب، لاسيما وأن اللعب للمنتخب أمنية أي لاعب كرة قدم في جميع أنحاء العالم، ولكن أن يرفض لاعب يمتلك موهبة شيكابالا اللعب على المستوى الدولي، فلابد وأن لديه أسبابا وراء ذلك.

شيكابالا اشتكى من عدم الاهتمام به في منتنخب مصر، ولديه شعور دفين بأنه لا يلقى المعاملة التي يستحقها في منتخب مصر، وأن هناك لاعبين أخرين يلقون معاملة أفضل منه، وهو ما يؤثر عليه نفسيا وبالتالي فنيا، ويفضل عدم اللعب لمنتخب مصر لهذا السبب، وهو ما يجب مناقشته والبحث عن حل له خوفا من إهدار هذه الموهبة، فهو يحتاج للتقويم وليس للكسر.

إذا كان الجهاز الفني لديه تحفظات على طريقة أداء شيكابالا، فلابد من توضيحها للاعب وللرأي العام، ومحاولة إصلاحها، كما أنه إذا كان للجهاز تحفظات على اللاعب فلماذا تم استدعائه، اللهم إلا إذا كان هذاالإستدعاء مجرد "سد خانة" لعدم التعرض لهجوم من جماهير الزمالك.

قامت الدنيا ولم تقعد لمجرد أن البعض - وكاتب هذه السطور منهم - طالب محمد أبو تريكة، بإعادة التفكير من مستقبله الكروي على المستوى الدولي على الأقل، بعد تراجع مستواه الفني والبدني في الفترة الأخيرة، ولم يعد هو أبو تريكة الذي عرفته الجماهير، والذي كان يصنع الفارق لفريقه سواء منتخب مصر او فريق الأهلي.

حمل البعض مشعل الدفاع عن أبو تريكة، بشكل يحمل في طياته درجة نفاق فجه، وكأن من طلبوا من أبو تريكة دراسة الأمر من جديد والوقوف مع نفسه، محاولة لإجباره على الاعتزال، وهو قرار لا يستطيع أحد اتخاذه سوى اللاعب نفسه، أو أن الأمر لمجرد الهجوم على أبو تريكة، وهو مالم يقصده أحد، لأن أبو تريكة قيمة وقامة كبيرة ستبقى في تاريخ الكرة المصرية.

فالجهاز الفني للمنتخب المصري بقيادة " المعلم " حسن شحاتة ضم أبو تريكة لمعسكر المنتخب في مباراة أستراليا الودية الدولية الاخيرة، رغم أن أبو تريكة لم يشارك مع الأهلي في الفترة الماضية، وجاء هذا الاستدعاء كمحاولة لمساندة اللاعب نفسيا بعد المعاناة التي عاني منها مؤخرا، وتخلى جهاز المنتخب عن شروط الانضمام لصفوف الفراعنة التي وضعها منذ أن تولى المسؤولية في ديسمبر 2005.

تخلي جهاز المنتخب عن شروطه لضم اللاعبين لصفوف الفريق الوطني، لم تتوقف عند أبوتريكة فقط، بل أن الجهاز فتح باب الإستثناءات أمام العديد من اللاعبين، منهم محمد زيدان لاعب فريق بروسيا دورتموند الألماني، والغائب عن الملاعب منذ سبعة شهور تقريبا بعد إصابته بقطع في الرباط الصليبي.

برر الجهاز الفني لمنتخب مصر ضم زيدان ، بأنه نوع من تجهيز اللاعب وإدخاله جو المنتحب ، وهو مبرر غير مستساغ أو مقبول وفيه مجاملة واضحة للاعب ، وهذا ليس تقليلا من إمكانيات زيدان ، لأنه يمتلك إمكانيات كبيرة بالفعل ، الأمر وصل إلى حد ضم أحد اللاعبين مجاملة لنائب رئيس الإتحاد هاني أبوريدة ، الذي يخوض إنتخابات مجلس الشعب في بورسعيد ، " طبعا عرفتوا مين اللاعب " ، كما أن الجهاز الفني للمنتخب تراجع عن ضم حارس الأهلي الجديد محمد أبوالسعود ، خوفا من سؤال جماهير الأهلي لعدم ضم شريف إكرامي من قبل .

باب المجاملات فتح على مصرعيه في منتخب مصر مؤخرا ، وسيدفع الجهاز الفني ثمن مجاملاته مستقبلا ، لأن العدل أساس الحكم كما هو معروف في كتب القانون ، ومتفق عليه ، وعندما يتخلى الجهاز الفني عن عدله الذي كان يطبقه في الماضي القريب ، فإنه سيكون مطالبا بمجاملة بقية اللاعبين .

عدل الجهاز الفني للمنتخب تخطى لاعب الإسماعيلي عبد الله السعيد ، الذي كان يستحق الإنضمام لصفوف المنتخب ، بعد تألقه الواضح واللافت للنظر مع فريق الدراويش في الدوري العام ، خاصة وأنه مازال صغيرا ، وبررالجهاز الفني عدم إختيار السعيد ، بوجود أكثر من لاعب في نفس مركزه ، وهو مبرر غير مقنع ، اللهم إلا إذا كان تجاهله لحساب لاعبين أخرين .

الجهاز الفني أعلن عن بداية مرحلة تجديد صفوف الفريق الوطني منذ إنتهاء بطولة الأمم الأفريقية الأخيرة ، وتجديد الصفوف كما نعرفه تكون بضخ دماء جديدة في المنتخب ، وليس الإبقاء على اللاعبين القدامي ، وضم لاعبين جدد أمثال حفني أو إبراهيم صلاح وأحمد دويدار ، أمر جيد ويحسب للجهاز الفني ، ولكن لابد وأن يستمر العدل على جميع اللاعبين ، وإختيارات اللاعبين حق مكفول للجهاز الفني في النهاية لأنه من سيحاسب أمام الجماهير الغاضبة بسبب موقف الفريق في تصفيات أمم أفريقيا .

تعليقات فيلجولرز (20 تعليق) اضف تعليق

waleedpotter   الخميس ، 18 نوفمبر 2010 - 18:4

اقتراح بسيط

20

أنا بقترح نضم للجهاز الفني للمنتخب دادة و مرضعة
الدادة عشان تعامل شيكا بيه وتهشتكوا وتدلعوا عشان المعاملة الحلوة اللي عايزها
ومرضعة عشان تبقى تديله الرضعة قبل ما ينام

بالزمة ده كلام يتقال يا أستاذ وليد
المنتخب ده اسمه المنتخب الأول او المنتخب الكبير..يعني اللي ينضموا ليه المفروض يبقوا كبار سنا ومقاما
باختصار يبقوا رجالة..مش محتاجين دلع ومعاملة خاصة
Soley911   الخميس ، 18 نوفمبر 2010 - 16:31

مقالة ممتازة

19

شيكابالا من افضل المواهب اللي موجودة في مصر ان مكنش افضلها
و لاعب زي ده لازم يكون اساسي لان المنتخب محتاج لموهبته في المرحلة اللي جاية
فلازم الكابتن حسن شحاتة يقعد معاه قعده ودية عشان الامور تتصلح
و جايز فعلا شيكابالا يكون مصاب لاني اشك ان فيه لاعيب ويتهرب من المنتخب
nasser91   الخميس ، 18 نوفمبر 2010 - 15:2

مش قولتلك

18

الشعب الاحمر مش حيسيبك
وبعدين بعيدا عن المعاملة والكلام ده
شيكابالا مصاب واحتمال ميلعبش ماتش المصري
trendlenberg   الخميس ، 18 نوفمبر 2010 - 13:51

المنتخب ليس للتدليل !!!

17

يعنى ايه لاعب يرفض الانضمام للمنتخب عشان لا يلقى التدليل و الدلع اللى بيلاقيه فى ناديه اللى مبوظه و الاغرب ان كاتب المقال بيدافع عنه ...الانضام للمنتخب شرف و واجب وطنى و اللى بيهرب من المنتخب لا يستحق الانضمام ليه ابدا ... حرام نضيع قيمة اللعب للمنتخب و ندافع الاعيبة المستهترة واللى مدلعة !!!
mamado2010   الخميس ، 18 نوفمبر 2010 - 13:28

ana mo5talef ma3ak

16

awalan fi e5teyar Amir 3bd el 7ameed 3ady 3ashan hwa la3ab matchat kowayesa fi el fatra el 2a5eera m3 el masry w ma5tarsh abo el so3od 3ashan hwa la3ab match wa7ed bas m3 Al Ahly w ba3den ma sherif Ekramy mosab f gomhor al ahly mesh 7ayes2al 3aleh w e5teyar Zidan tab3aan kolena 3arfeen keemet zidan w forsa le tagheezo w shofna embare7 35 de2ee2a w assist goal w sagel goal ya3ny 7aga kowayesa w le e5teyar Abo terika yabka abo terika keema kebeera w sa3b yekoon mesh mawgoood w ana batafek ma3ak bas fi 3bdalla el sa3eed en hoa kan lazem ya5od forsa w yekon mawgood
Ahmed_Bassier   الخميس ، 18 نوفمبر 2010 - 12:39

يا نهار

15

يا جماعة لازم ده اللى يحصل
يعني المدرب هيغير الفرقة كلها مرة واحدة
الارض اتخلقت في ستة ايان
ما هو حط عناصر جديدة لازم يكون معاها عناصر قديمة برضه خبرة
ashrafragab   الخميس ، 18 نوفمبر 2010 - 12:35

مختلف

14

اسمح لي أختلف معك .. الجهاز الفني لا يجب أن يسعى وراء أفضل لاعب في كل مركز وإنما أفضل مجموعة متجانسة في الملعب ، ولهذا فقد تضم مثلا لاعب ارتكاز أقل مستوى من الباقين لتفاهمه مع صانع الألعاب الرئيسي ، أو لاعب يصلح للعب في أكثر من مركز مثل أحمد فتحي (أو أحمد حسن) وتوظفه في المكان الذي لا يؤدي فيه أفضل ما عنده (جناح أيمن بالنسبة لفتحي) بحيث تجده لو اضطررت لإشراكه كلاعب ارتكاز أو تغيير خطة اللعب أثناء المباراة ليلعب مدافعا صريحا لإجادته في هذه المراكز ..
بالنسبة لموقف شيكابالا فإنه لاعب رائع وموهوب ولكنه يطلب دائما معاملة خاصة لا يحصل عليها أحد مع المعلم سوى الجادين جدا (الرجالة على حد قوله) ومنهم من يلعب وهو مصاب أو تحت ضغوط بلا شكوى مثل تريكة وأحمد حسن ووائل جمعة ومتعب ، ولهذا استبعد المعلم لاعبين رائعين مثل ميدو وجمال حمزة وبركات ثم مؤخرا عمرو زكي وشوقي لأن المعاملة الخاصة عند حسن شحاتة تأتي من منطلق الاجتهاد والجدية والتفاني ..

أما أبوتريكة فكما قلت هو أدرى بنفسه ولا دخل لأحد في اعتزاله سوى الجهاز الفني بناديه وبالمنتخب وكل ما يحتاجه تريكة هو راحة مناسبة (لشهر مثلا) ومدرب يستطيع توظيفه في المكان الذي يؤدي فيه أفضل ما لديه
hady00   الخميس ، 18 نوفمبر 2010 - 10:58

سؤال

13

مين اللاعب اللي ضمو مجاملة لنائب رئيس الإتحاد هاني أبوريدة
amrpebars   الخميس ، 18 نوفمبر 2010 - 9:31

يا راجل حرام عليك

12

كفاية تدخلات بقى ونتكلم على الايجابيات مش كله سلبيات وطالما اختيارت حسن شحاته جابت نتيجه يبقى جميل وانتقاده يكون في موضع صح اللي انت قولته كله غلط ثم اختيارته كويسه مش عارف انت بتتكلم ازاي هتنشر التعليق يبقى اهلا
Kahn_Bayern   الخميس ، 18 نوفمبر 2010 - 9:21

مش فاهمك

11

انت ليه بتدخل ابو تريكة في كل مقالاتك يا استاذ وليد!!!!
اتمني تسيبه في حاله شوية عشان يركز لان الموضوع مش فني ولا بدني الموضوع نفسي بحت هو الي ماثر عليه...
اتمني لك التوفيق
aboislam_egy   الخميس ، 18 نوفمبر 2010 - 8:45

شغل الزملكاوية اهوه بقا

10

عايز ايه انتا ؟
طالب ده انتا تروح تطالب بعيد عن هنا روح عند شحاته اتكلم
مش عايزين صداع وشيكابالا بتاعك ده كون انه حط جونين من ع حدود التمنتاشر بقا لعيب عندك
شيكابالا ده لاعب كوفتتة وليد سليمان اللي ملوش فيها برقبته برضو ع الاقل بيعرف يرقص
مش بيعمل نفسه بيرقص
لو عاوز الحق من اللعيبة الجداد
ايمن حفني وليد سليمان عبدالله السعيد
غير كده تذكر اسم شيكابالا ده يتعرف انك زملكاوي
لان شيكابالا ده لا لاعب جديد ولا لسه طالع
ده معروف من 2006 او 2007
انه لاعب كوفتة ويوريني نفسه في ماتش الاهلي
محطش غير جون ولا له اي بصمة
بتقارن ده بابو تريكة انا مليش فيه ابو تريكة في مستواه ولا لا بس تقعد جمبه تسقفله في اي حالة غصباً عنك
وانشر التعليق لو انتا فعلا شايف نفسك كلامك صح
Mateo19   الخميس ، 18 نوفمبر 2010 - 3:26

معلش

9

بمنتهى الأمانة و بدون أي تحامل عليك
انت مالكش فيها
شكراً
Cherno_Samba   الخميس ، 18 نوفمبر 2010 - 3:12

مع احترامى ليك

8

الجهاز الفني هو المسؤل عن الاختيارات من الاخر. السؤال لية جاب دة و دة لاء لايفيد . و الدليل علي الكلام دة حسن شحاتة ضم جدو الى كان مش مشهور قبل امم افريقيا 2010 و وفق. الاعب المصرى مش بس مهارة و تدريب فقط برضو تهياءة نفسية و الدليل تفضيل حسن شحاتة لمتعب و لعبة اساسى داما و في فترة الجوهري ميدو كان بيقدم مردود ممتاز عكس فترة المعلم
ahmedelomda3443   الخميس ، 18 نوفمبر 2010 - 2:41

تعقيب صغير

7

أولا اسمه محمود مش محمد أبو السعود وبعدين أبوتريكة هو الكورة فى مصر ولسه ياما هيدى للكورة المصرية وياريت لما مستواه ينزل نقف جانبه ونساعده زى مافرحنا كتير جدا وعمل انجازات للكورة المصرية وماتش النهارده أبلغ رد على المشككين و لو الاستثناء ماكانش لابوتريكة وزيدان هيبقى لمين امال وياريت شيكابالا لو لعب ماتش المصرى يكون فى وقفة معاه من اتحاد الكورة وحسن شحاتة
biro_ronaldo   الخميس ، 18 نوفمبر 2010 - 1:45

Yally kateb al makal al ra7ma showyia

6

enta ya 3m arftena...shikabala eh ely bytharb lama doctor al mota5b aked 3al esaba...enta bt2ra nos al 5abr w teseb noso al tany ba3deen tegy tktb makal t2rfna behhh
Tegara_English   الخميس ، 18 نوفمبر 2010 - 0:16

ماذا قدم شيكابالا لمصر أو الزمالك ؟؟

5

شيكابالا برغم نجوميته لم يقدم أى شىء للزمالك أو المنتخب

وشيكابالا كان ضمن قائمة أنجولا 2010 لكنه لم يثبت نفسه فكان طبيعى أنه يبقى أحتياطى ليفسح المجال للنجوم أبوتريكة وزيدان ومتعب ومعهم جدو للفوز ببطولة أفريقيا 2010

بالنسبة للاعيبة اللى أتكلمت عنها أبو تريكة وزيدان الصراحة الـ 2 دول نجوم ويستاهلوا أن شحاته يجاملهم , بصراحة أنا ماشفتش لاعب فى رجولة أبوتريكة عمره ماأتاخر ابداً عن منتخب مصر وقدم كتير أوى للمنتخب ومحمد زيدان نجم بيلعب فى بروسيا دورتموند متصدر الدورى الألمانى وساهم فى فوز مصر ببطولتى 2008 و 2010 فطبيعى برضه أنه يتعامل معاملة النجوم

انما شيكابالا ماعملش أى حاجة لمنتخب مصر ولا للزمالك وحد يقولى أيه هى بطولات شيكابالا ؟؟

شيكابالا لاعب مزاجى بتاع مشاكل زيه زى ميدو وأبراهيم سعيد والاعيبة دى المدربين مش بيحبوا التعامل معاهم لانهم بتوع مشاكل ومستواهم بيتغير من فترة للتانية
وكلنا شوفنا ميدو حصل له أيه بعد ماكان بيلعب فى أقوى الفرق الأنجليزية والأيام أثبتت بعد نظر المعلم فى ميدو وياريت ميدو يتعلم الدرس مع أياكس وربنا يوفقه .

وياريت ماحدش يتكلم عن أختيارات حسن شحاته لأن الكل كان بينتقده وفى الاخر بيرجع بالبطولات زى ماحصل فى 2006 و 2008 و 2010 والصراحة مدرب زى دى المفروض نعامله بالشكل اللى يلاقم بطولاته مع منتخب مصر

حسن شحاته زيه زى الجوهرى زى عبده صالح الوحش الله يرحمه زى هيديكوتى كلهم سابوا علامات فى التدريب فى مصر
Wess10   الأربعاء ، 17 نوفمبر 2010 - 23:36

إلى الأستاذ وليد الحسينى

4

بغض النظر عن هويتك الكروية الواضحة فى كل مقالاتك، بالله عليك أنت مقتنع بالهجص اللى أنت كاتبه فوق ده؟ أنت بتبرر لشيكابالا تهربه من المنتخب بإنه يشعر بإنه "لا يلقى المعاملة التى يستحقها" فى منتخب مصر؟ ياختى يا حلوة..طب يا ريت والله توضحلنا إيه نوعية المعاملة اللائقة بفلتة عصره وفريد دهره الكابتن شيكا عشان نعامله بيها عشان يتفضل ويتكرم ويمن علينا بالإنضمام لمنتخب بلده. الكلام اللى أنا بقوله ده مش هجوم على شيكابالا اللى مفيش إتنين بيفهموا كورة يقدروا يختلفوا على موهبته، إنما لو كان فعلاً بيتهرب من تمثيل منتخب مصر لأى سبب كان، فهو بالتأكيد لا يستحق تعاطف أحد. أما كلامك عن إعتزال أبو تريكه "على الأقل على المستوى الدولى" (طب كتر خيرك أنك مطالبتش بإعتزاله نهائياً)، فأحب أقولك إن لو كان كل لاعب عنده 32 سنة بطل كورة عشان مستواه نزل، كان زمان نص لاعيبة العالم إعتزلوا. وعلى فكرة اللى حسن شحاته بيعملوا معاه ده هو قمة النضج كمدير فنى حريص على دعم أحد اهم العناصر المؤثرة معاه فى السنوات الأخيرة لأن أبو تريكة مش مجرد لاعب تنطبق عليه "شروط الانضمام لصفوف الفراعنة التي وضعها منذ أن تولى المسؤولية في ديسمبر 2005 "، ولكنه قيمة يجب الحفاظ عليها ومساندتها حتى تعود من جديد. مش عارف ليه شامم فيه ريحة مش ولابد فى كلامك عن نقطة أبو تريكة بالتحديد، لكن على العموم اللع أعلم بالنيات.
وأخيراً، نصيحة لوجه الله: الكلام اللى حضرتك كاتبه فوق ده ممكن يطلع من مشجع درجة تالته متحيز للنادى بتاعه، إنما بجد عيب قوى إنه يطلع من واحد "المفروض" إنه ناقد رياضى
ahomsi   الأربعاء ، 17 نوفمبر 2010 - 23:33

sob7an Allah

3

Aho Tereka le3eb match kwayyes...we Zidaan le3eb shoot raw3a we 7at goal
Sheekabala yetharrab men el monta7'ab...te2oul negeblo doctor nafsy...we Tereka nafseyyeto we7sha te2oum ayello ye3tezel
3eeb 3aleik
Elly 3agabny awy ennaharda...Ibrahim sala7..walad leih mosta2bal bas mayet3ewegsh zay keteer ablo
nasser91   الأربعاء ، 17 نوفمبر 2010 - 23:32

وطبعا

2

نسيت اقول انك حتشوف هجوم عيف بالذات من الاهلاوية علشان كلامك عن ابو تريكة وربنا يستر عليك لانك بتسبح ضد التيار
ونفس الكلام حصل في المقال اللي فات وهاجموك برضو
nasser91   الأربعاء ، 17 نوفمبر 2010 - 23:31

موافقك تماما

1

عبد الله السعيد ، الذي كان يستحق الإنضمام لصفوف المنتخب ، بعد تألقه الواضح واللافت للنظر مع فريق الدراويش في الدوري العام ، خاصة وأنه مازال صغيرا ، وبررالجهاز الفني عدم إختيار السعيد ، بوجود أكثر من لاعب في نفس مركزه ، وهو مبرر غير مقنع ، اللهم إلا إذا كان تجاهله لحساب لاعبين أخرين .

----على حساب ابوتريكة وزيدان
تم استبعاد لاعب زي ميدو كتصفية خلافات مع حسن شحاتة
لاعب زي عبدالله السعيد
لاعب زي محمود عبدالحكيم
حارس زي أبو السعود
وهكذا وشكلنا حنرجع بفضيحة ومش حنروح امم افريقيا

اضف تعليق

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

اخر الأخبار

نرشح لكم

هدف بيل (سرعة، زمن، مسافة) بيل ليس الأسرع في العالم الق #قصص_كروية_للشباب كأس العالم

الأكثر مشاهدة خلال اسبوع