تسجيل

أحفظ بياناتى نسيت كلمة السر سجل اشتراك جديد

أذا كنت مشترك فى احدى المواقع الاتية يمكنك الدخول بنفس بيانات الاشتراك

يعتذر موقع FilGoal.com عن أي أعطال فنية أو بطء في التحميل ناتج عن إطلاق نسخته الجديدة ويعد زواره ومستخدميه بتحسين الخدمة في أقرب وقت. وإدارة الموقع ترحب بكافة أرائكم ومقترحاتكم لتعديل النسخة التجريبية الجديدة والتي يتم العمل حاليا على أن ترضي كافة الأعضاء والزوار.

جائزة احسن لاعب افريقى محمد ابوتريكة و عمرو زكى

تحميـــل: 8179

جدو: كرهت النجومية

بقلم: هاني العوضي | الأثنين ، 8 فبراير 2010 - 11:30 |

(61462)

أبدى محمد ناجي "جدو" ضيقه الشديد من حالة الاهتمام به في الفترة الماضية بعد تألقه مع المنتخب المصري في كأس الأمم الإفريقية وفوزه بلقب هداف البطولة.

وقال جدو في تصريحات لـFilGoal.com: "أتمنى أن تعود الأمور كما كانت من قبل فقد كرهت النجومية".

وتابع "منذ العودة من أنجولا وأنا لا استطيع السير في الشوارع فمن يقابلني يحاول إيقافي للتحدث معي، ولا استطيع التحرك في الإسكندرية، والحقيقة هذا الوضع غير مريح".

وتألق جدو مع الفراعنة في كأس الأمم، وأحرز هدف الفوز في المباراة النهائية أمام غانا.

بالإضافة إلى فوزه بلقب هداف البطولة برصيد خمسة أهداف على الرغم من أنه شارك في جميع المباريات كبديل في الشوط الثاني.

وشارك جدو كأساسي في مباراة الاتحاد أمام بتروجيت والتي انتهت لصالح أبناء الإسكندرية بهدف دون رد، ولكنه خرج في الدقيقة 67.

تعليقات فيلجولرز (22 تعليق)اضف تعليق

Amira17F الثلاثاء ، 9 فبراير 2010 - 22:29

Take it easy ^_^

22

والله أنا شايفة انو انسان زيينا يعني
ومن حقه يغضب ويفرح .. يعني هو بيلعب لينا ولنفسه

والناس بيتهيألها الشهرة دي حاجة ايييييه .. جميلة جدا
ما ننساش انو كان انسان بسيط عايش في حاله يعني

هههههههه والله انا اما بقابل حد في اي حتة صدفة يعني بدير وشي
مش ببقى عاوزة اقف اتكلم مع حد (( انا بقول على نفسي ))
مابالك طول ما انت ماشي امم حوليك كأنك " فرجة "
وبعدين كمان هو مش مهيأ للجو ده ..
بس بجد لاعب جميل ومتواضع وفي إلى الأمام دائما إن شاء الله

joker100 الأثنين ، 8 فبراير 2010 - 23:3

لية ياجدو

21

لية كدة الناس بتحبك ياجدو

emyahlawyaa الأثنين ، 8 فبراير 2010 - 21:16

لولا موضوع توقيعك للزمالك ماكنتش قولت كدة

20

وانا كمان كرهتك لإنك طلعت ب 100 وش وكل دة فى سبيل المال

شوية أنا أهلاوى

شوية نفسى أحترف

شوية أفضل اللعب للأهلى

وفى الأخر ماضى للزمالك وخايف تقول

ياعم روح الزمالك روح المريخ مش دى النقطة ... بس اللاعب إللى يلاوع الإعلام والجماهير دة بيخسر إحترام الناس ليه ومن الأخر إنت خايف من جماهير الإتحاد

siefo الأثنين ، 8 فبراير 2010 - 21:10

عملت ايه في متش الي فات ولا حاجه

19

عمال تجري في الملعب رايح جاي على الفاضي

siefo الأثنين ، 8 فبراير 2010 - 21:9

الله يرحم ايامك يا ابو تريكه

18

ده انت لسه في اول المشوار وبتقول كده اومال اما تكون زي ابو تريكه هتعمل ايه مش هتعبر حد اكيد طبعا لحد دلوقت ما لقيت ولا هلاقي زي حبيب الملاين ابو ترتكه يارب ترجعهنا بالسلامه

ahram الأثنين ، 8 فبراير 2010 - 20:47

عندك حق

17

ليك حق ي ابنى

inventest الأثنين ، 8 فبراير 2010 - 20:19

بداية السقوط

16

إحنا قلنا 100 مرة العبرة بالاستمرار. جدو أحرز 5 أهداف في بطولة أفريقيا لما كان معاه فريق بيلعب بروح البطولة والتصميم على الفوز في كل المباريات. وخلف الفريق ده جهاز فني وإداري عنده نفس الروح. ده بالإضافة للأخلاقيات العالية اللي بيتمتع بيها جميع اللاعبين. وأهو صدق كلامنا، نزل لعب 67 دقيقة كاملة وما جابش أي جول. يبقى فين النجم؟؟ ولا هو اللي كسب كاس أفريقيا لوحده؟ على رأي المذيع في الدوري الانجليزي لما واحد يعمل أناني يقول "ده شكله بيحاول يكسب الماتش لوحده". ده طبعا ما يقللش من موهبته، بس الموهبة لازم لها أخلاق عشان تستمر.
لكن هو برضه معذور، لأنه كان لاعب غير معروف وفجأة لقى العالم كله بتكلم عنه والفلوس نازله عليه زي المطر. وطبعا السبب هي فراسة وخبرة المعلم حسن شحاته في اختياره واعطاءه الفرصة، وتاني ده في ظل وجود فريق كامل على مستوى عالي وجهاز فني. أرجو تكون الرسالة وصلت. المشكلة إن الجمهور والإعلام هو اللي بيعمل كده في اللاعب.

ubc4u الأثنين ، 8 فبراير 2010 - 19:45

ولا ايــهـ..

15

عامة يـ جدو
حتى لو احترفت خارج مصر مش هتعمر
لأن الفكر اساسا معدوم
عاوز تستمر مع الاتحاد
وبتحب الاهلى
ومضيت للزمالك
واخبار عن انك مضيت لـ الهلال
وحلمك الاحتراف

صعب
صعب جدا

انشر الله يكرمك ياعم الـ(fair)
______________________
ubc.4u
______________________

why_so_serious الأثنين ، 8 فبراير 2010 - 18:38

اسبوعين او ثلاثه وهتتنسى

14

متخفش يعنى مش بتدوم لحد وبعدين ابقى اتنكر يا اخى ....

samoura1 الأثنين ، 8 فبراير 2010 - 17:24

ليه؟؟؟؟

13

ليه كرهت النجومية يا جدو ؟؟مين يطول و بعدين لسة بدري و مترحش مع الزمالك و خليك فى الاحلى

camba الأثنين ، 8 فبراير 2010 - 17:1

البالونة

12

والله اولا الف مبروك على التوفيق الكبير ... ثانيا انت لما يقارنوك باابوتريكة انت المفروض ترقص على سعدك ولكن ان تتكبر وتقول انا عايز ابقى جدو فده يخليك لسة صغير وحفكرك ( سالوا ابو تريكة وهو فى عز نجوميتة: نفسك تكون زى الخطيب فقال والله انت بتقارنونى بنجم كبير نفسى ابقى فى مسوتاه ) ماطار طير وارتفع ؟؟؟؟

Bebog الأثنين ، 8 فبراير 2010 - 16:18

ليييييييييييييه

11

حد يكره النجومية يا راجل ياريتني مكانك

aboshanab الأثنين ، 8 فبراير 2010 - 15:45

من ابو شنب الى النجم جدووووووووووووو

10

اولا جدو ده حد طيب جدا وعلى نياته وتصريحاته بتدل انه ميعرفش حاجه وانه غلبان جدا فبلاش حد ىيظلمه انا اهلاوى وبعشق جدو وزعلت لما وقع للزمالك بس لو فكرت ثانيه لاعب فى الاتحاد بياخد ملاليم ومش مشهور كلمهة حسام حسن وقاله عاوزك فى الزمالك عاوزينه يعمل ايه يرفض يعنى اتحدى اى حد مكانه ويرفض وعلى فكره انا بلديات جدو ومن قؤيته وهو اهلاوى جداااااااااااااااا (بحب ياجدووووووووووووووووووووووووووووو)

jekil_5 الأثنين ، 8 فبراير 2010 - 15:21

كفاااايه

9

يا جدعان سيبو الراجل في حاله و بلاش الاهتمام الزياده ده واللهي انا كنت بحب جدو وكان نفسي يجيب ولو جون في البطوله عشان بلدياتي بس دلوقتي بقيت حاسس اني هنام و احلم بيه مش كده يعني .و بعدين بردو هو غلطان انه يوقع للزمالك لانه كده بيدفن نفسه و مش هيشوف منتخب تاني.لازم يتعاقب هوه و نادي الزمالك

yasser_bakr الأثنين ، 8 فبراير 2010 - 15:13

اسكندراني من محرم بك

8

يازمااااااالك ياعمررررري افديك بروحي ودمي ويقولو الزمالك فين ده في جوة قلبي وجوه العين انا الصراااحة ياجدعان انا حاسس والله اعلم ان جدووو خايف من جمهور الاتحااد لكن بقولك يابني متخفش ده جمهور الزمالك قد جمهور الاتحاد مليون مرة والله انا عايش في اسكندرية وعارف لكن انت صعبان عليا لكن انا شايف ان الغلط في الموضوع ده انه اتسرب ان جدو مضي للزمالك ولكن بردك الاتحاد كان عاوز يمضيه سنه كمان والله حاجة تحير

__HaMo0oKsHa__ الأثنين ، 8 فبراير 2010 - 15:3

7

نجومية ! ..

ياعم بطل التصريحات بقى انت محسسنى إن المنتخب بيكون مطحون فى كل ماتش وانت تنزل تكسبة ! ..والله كنت نفسى اقول مش اى حد بيجيب اجوان نرفعه السما يا جدعاااااااان سهلة خالص والله .. طيب زيدان دة بقى يتعمل فيه اية هو اللى صنع جونين البطولتين اللى فاته ..

سؤال بس لو بلاى ميكر عمل سرووه لمهاجم وخلاه انفراد بالجون لوحدة والمهاجم حط الكورة فى الشبك يبقى مين بقى اللى تطلعوا بية السما ؟! الناس هنا فى مصر بترفع إللى حط الجون ولو الجون فاضى كمان ! ,,

جدو مشوفتش منة لا باصة ولو اوفر ولا سروه ولا ترقيصة ولا اى بتنجان عشان اقدر اقول عليه نجم ولا لا ..واسهل حاجة فى الدنيا انك تحط اجوان وحياة ربنا اسهل حاجة ..

وبعدين لو انت نجم عشان جبت 5 اجوال امال حسام حسن وحازم إمام ومحمد ابوتريكة دول يبقوا اية المفروض دول بقى نركبهم سفينة فضاء ويطلعوا يعيشوا فى القمر ..

كنت نفسى اقول الكلام دة اثناء البطولة بس خوفت الناس تقول بيعكر الفرحة والكلام دة ..

وبلاش ارننه من اولها ياعم وتقول الناس بتوقفنى تتكلم معايا وعهد الله بشوف كمية مشاهير بالكتير اوى ولا بروح اسلم عليهم اصلا واخرهم محمد طلعت فى سيتى ستارز :D

.إنشر يا نـجـم ..

HaMo0oKsHa

ALAAEZZ الأثنين ، 8 فبراير 2010 - 14:18

جدو حبيب قلبي

6

الناس اصلان اما بتشوف لعب في الشارع بتعدو يضيقوه ويخنقوه جدو انتا اصلي بجد احسن انك تروح الاهلي بجبببببببببببببببببببببببببببببببببببببببببببببببببببببببببك يا جدو

micho_20014 الأثنين ، 8 فبراير 2010 - 13:0

>>>جدو..<< لقد كرهتني ف عيشتي

5

ياعم جدو آنت لسه ف اول المشوار.. وعندك 27 سنه ...! ركز ف ال جي مع الاتحاد وبعد كدا ف النادي الملكي او الشياطين الحمر . انشر يابرنس كتبتلك عربي مش انجلش هههههه

illusionsmaster الأثنين ، 8 فبراير 2010 - 12:33

يا راجل ولا يهمك

4

ايه يا عم جدو؟ النجومية ديه من حقك يا ريس و بعدين بالنسبة للزمالك انت معذور برضو و الزمالك اسم كبير بس مافيهوش ناس قادره تشيله.
الاهلى احسنلك يا برينس و لو اننى افضل انك تحترف فى اى بلد اوروبى، ممكن المانيا اكيد فيها فرق هتعوزك، شوفلك وكيل اعمال يظبطك بسرعة و الا اَخرك هاتتنسى و تفضل فى الاتحاد يا نجم النجوم....

meto0122001 الأثنين ، 8 فبراير 2010 - 12:27