0
EN

بالفيديو .. كان وجدو يقودان مصر إلى دور الثمانية بهدفين في موزمبيق

أحمد حسن صنع الهدف الثاني

بلغ منتخب مصر دور الثمانية من كأس الأمم الإفريقية في أنجولا بعد تغلبه على موزمبيق بهدفين دون رد وبأداء مثير للجدل مساء السبت.

افتتح المدافع الموزمبيقي داريو كان لاعب الإسماعيلي السابق التسجيل في شباك منتخب بلاده في الدقيقة 47، وأضاف محمد ناجي "جدو" الهدف الثاني في الدقيقة 81.

ورفع منتخب مصر رصيده إلى ست نقاط ليضمن تأهله إلى دور الثمانية كأول المجموعة، فيما جاءت نيجيريا في المركز الثاني برصيد ثلاث نقاط بعد تغلبها على بنين التي حلت في المركز الثالث ولها نقطة واحدة، بينما احتلت موزمبيق قاع المجموعة بنقطة واحدة.

وكسر منتخب مصر الرقم القياسي لعدد المباريات التي يخوضها أي فريق دون هزيمة في كأس الأمم الإفريقية وبلغت 15 مباراة محطما الرقم السابق المسجل باسم الكاميرون.

وكرر منتخب مصر تفوقه على موزمبيق في بطولة كأس الأمم الإفريقية بنتيجة 2-صفر، إذ سبق له تحقيقها عامي 1986و1998 وفاز الفراعنة باللقب في البطولتين.

وسجل جدو هدفه الدولي الثالث في ثالث لقاء له على التوالي مع منتخب مصر بعدما سجل في نيجيريا ومالي.

ولم يرق أداء منتخب مصر إلى المستوى الذي توقعه الجماهير خصوصا في ظل تواضع مستوى موزمبيق، وفشل مهاجمو منتخب مصر في تحويل الفرص التي سنحت لهم إلى أهداف كما تكررت التمريرات المقطوعة من الفراعنة.

البدء بشيكابالا

وبدأ حسن شحاتة بذات التشكيل الذي استعان به في مباراة نيجيريا بفارق وحيد هو الدفع بمحمود عبد الرازق "شيكابالا" بدلا من حسام غالي.

 
زيدان خرج في الشوط الثاني غاضبا

ولعب شيكابالا كلاعب وسط متقدم تحت رأسي الحربة فيما عاد أحمد حسن لموقع غالي في قلب الوسط.

وجاءت الخطورة المصرية مبكرا في الدقيقة الرابعة من تمريرة مستقيمة عالية من الخلف إلى الأمام عن طريق هاني سعيد إلى عماد متعب الذي كاد ينفرد لكن الكرة تطرفت إلى الجهة اليسرى من منطقة الجزاء فلعب كرة عرضية مرت أمام خط المرمى دون أن تجد من يقابلها.

وبعد مرور 20 دقيقة حصل منتخب موزمبيق على الثقة بفضل انتشار لاعبيه في خط الوسط وتراجع ثلاثي وسط منتخب مصر بالإضافة إلى التمريرات المقطوعة للفراعنة.

وفي الدقيقة 21 فشل زيدان في تسديد كرة جيدة وصلت إليه من أحمد حسن وفضل تمريرها عرضية إلى متعب المراقب فسددها ضعيفة جوار القائم.

وسدد شيكابالا كرة أرضية قوية من الجهة اليمنى بعدما خدع أحد المدافعين لكن الحارس جواو رافاييل أبعد الكرة إلى ركنية.

وفي الدقيقة 29 مرر أحمد فتحي بينية رائعة لشيكابالا الذي لعب الكرة من فوق رافاييل الذي خرج من مرماه ليشتت الدفاع الأنجولي الكرة فيما كان متعب في انتظار تمريرة زميله للتسديد في المرمى الخالي.

وبعدها بدقيقتين سدد فتحي كرة خاطفة أبعدها حارس موزمبيق الذي يلعب في نادي الترسانة المصري من أسفل الزاوية اليسرى لمرماه.

هدية كان

وفي الشوط الثاني حالف التوفيق منتخب مصر عندما لعب مرر فتحي كرة عرضية تعلو عن الأرض بنصف متر فقابلها داريو كان مباشرة لتسكن مرمى فريقه بمنتهى القوة وبسرعة لا يمكن لرافايل إيقافها فيما كان متعب ينتظر الكرة بعد مسجل الهدف لإيداعها في المرمى.

 
أداء مميز لجمعة

ودفع حسن شحاتة بأحمد المحمدي بدلا من هاني سعيد في الدقيقة 48، وخرج فومو أبرز مهاجمي موزمبيق في الدقيقة 50 متأثرا بإصابة ليقلل من الضغط على الدفاع المصري نظرا لنشاطه الكبير في الشوط الأول.

وكاد سيد معوض يضيف هدفا ثانيا من كرة هيأها له شيكابالا وبدلا من تمريرها فضل الاختراق بها والتسديد بيسراه لكن كرته اصطدمت بمدافع ومرت جوار القائم الأيمن بسنتيمترات قليلة.

هدف من تسلل

وبدت خطورة موزمبيق واضحة قبل نهاية الثلث الثاني من اللقاء عندما سجل ألميرو لوبو في شباك الحضري من كرة مررها له زملائه لكن تم إلغاء اللعبة بسبب تسلل مسجل الهدف بفارق خطوة واحدة عن مدافعي مصر.

ودفع شحاتة بأحمد عيد عبد الملك بدلا من محمد زيدان في الدقيقة 58، وبدت إمارات الغضب على الأخير والذي خرج مباشرة من الملعب دون مصافحة زميله.

وتراجع أداء منتخب مصر بشدة في منتصف الشوط الثاني فدفع شحاتة بمحمد ناجي "جدو" بدلا من شيكابالا وهو ما أسفر عن بعض النشاط الهجومي من دون فرص حقيقية.

واخترق عبد الملك الجبهة اليسرى لموزمبيق بمجهود فردي وراوغ لاعبين لكنه سدد كرة عالية في السماء، وطالب أحمد حسن بركلة جزاء بعد سقوطه في منطقة الجزاء إثر اصطدام بمدافع أنجولي لكن الحكم أشار باستكمال اللعب.

وفي الوقت الذي فرضت العشوائية نفسها في الثلث الهجومي لمنتخب مصر، استحوذ أحمد حسن على الكرة فمررها إلى جدو الذي هيأ الكرة لنفسه بلمسة رفعتها عن الأرض وسدد مباشرة كرة لولبية ذهبت إلى أعلى الزاوية اليمنى لمرمى موزمبيق ليؤكد نجم الاتحاد السكندري جدارته بتمثيل الفراعنة.

وخرج جدو بعد الهدف بدقيقتين مصابا بعد التحام قوي مع أحد لاعبي موزمبيق والذي تعمد ضرب مسجل الهدف الثاني لمصر.

تعليقات فيلجولرز (82 تعليق) اضف تعليق

eng_ali_civil   الأحد ، 17 يناير 2010 - 13:27

خايف

82

على الرغم انى مبسوط من فوز منتخبنا الجميل وخصوصا
هدف جدو الرائع بس بجد فعلا حقيقى خايف اوى من كتر مبنتكلم على اللاعب ده
انه يشوف نفسه او يتاثر بالاضواء المسلطه عليه
وياريت كمان نخلى بالنا اوى من مباراة بنين لانها هتبقى مباراه صعبه
وفى رايى هتبقى اصعب مباراه لينا فى الدور الاول
واكبر دليل ع كده المستوى اللى ظهرت بيه بنين قدام نيجيريا وان كلمة طحنتها دى قليله
وبعدين ممكن حد يفسرلى تعبير جدو بع مجاب الجون التانى بتاع موزمبيق
وشكرا
waled97   الأحد ، 17 يناير 2010 - 13:17

مش عارف اأول اية

81

بصراحة فريق عظيم مبروك للتأهل
omarsalem   الأحد ، 17 يناير 2010 - 12:27

وجهة نظر وإقتراح

80

من وجهة نظري المتواضعة أن هذه البطولة تعد واحدة من أضعف البطولات الأفريقية بل أسوءها على الإطلاق، ويعتبر منتخب مصر أحسن منتخب ظهر حتى الآن ويليه منتخب كوت ديفوار كما يعتبر المنتخب النيجيري والجزائري والغاني والتونسي والمالي من أسوء المنتخبات ولابد من إحداث تغييرات من قبل الكاف في هذه البطولة
وتتمثل هذه التغييرات كالآتي
أولا أن تكون البطولة كل أربع سنوات ويتزامن وقتها مع بطولة كأس العالم بحيث تقام في موعدها المتبع حالياً
ثانيا ًان يتم عمل تصفيات بين منتخبات أفريقيا لبطولة كأس الأمم الأفريقية فقط دون تصفيات لكأس العالم
ثالثا الفرق الواصلة لكأس الأمم الأفريقية وعددهم ستة عشر منتخب تتم المباريات بينهم بنفس النظام المتبع حاليا ولكن الفارق يتمثل في
أن المنتخبات التي تصل إلى دور الثمانية وعددهم ثمانية فرق يتم وصول منهم عدد أربعة منتخبات للمربع الذهبي للبطولة هم نفس المنتخبات التي تصل مباشرة لكأس العالم
والفرق التي مابين المركز الخامس والثامن يتم عمل دورة مصغرة لاختيار الفريق الخامس الصاعد لكأس العالم
ويتضح مما سبق أن الغرض الأساسي من ذلك هو ظهور هذه البطولة بشكل قوي وملفت للنظر من قبل الأوربيون والفيفا لأن المحترفين الأفارقة سواء من الكاميرون او من كوت ديفوار ..الخ يخافون على أنفسهم ويصبون كل تفكيرهم وتركيزهم على أنديتهم في أوروبا كما أن نسبة مشاهدة هذه البطولة تقتصر على قارة أفريقيا والمغتربين في جميع أنحاء العالم وبذلك
تصبح هذه البطولة أقوى وأحسن من بطولة أوروبا للأمم
MSM2812   الأحد ، 17 يناير 2010 - 12:1

المنتخب ميطمنش

79

بالرغم من اننا كسبنا الماتش وصعدنا لدور الثمانية الا ان المنتخب شكلةف الملعب ميطمنش الدفاع مهزوز جدا وخط النص تاية امبارح كلهم واقفين على خط واحد وبيتفرجوا حتى خط الهجوم مفيش غير متعب مهاجم فى الدورى المصرى كلة ولا اية حتى زيدان بقى متاكد من انه استحالة هيكمل ماتش واحد للأخر وعارف ان متعب هو بتاع ال 90 دقيقة مع انه المفروض العكس والمفروض ان زيدان بيلعب تحت راس الحربة مش راس حربة ومن وجهة نظرى المحدودة لو لعبنا بشيكابالة وزيدان تحت متعب هيكون لينا شكل تانى
mando_lover   الأحد ، 17 يناير 2010 - 11:39

مصراوى

78

مبروك لمصر بس المستوى ضعيف
ahmedhaggar   الأحد ، 17 يناير 2010 - 11:33

انشر الله يكرمك

77

طيب انا عايز اعرف حاجه هو احنا مفيش فايده فينا .

هنفضل كده على طول ............... يعنى مفيش امل .

نفسى مره نطلع من دماغنا اللاعب ده ناديه ايه و نفكر بس انه بيلعب فى منتخب مصر .

مش بقول اننا ماننقدش اى لاعب بس النقد يكون موضوعى .

يعنى ممكن نقول ان متعب ماكنش كويس الماتش ده و لما يكون كويس نقول عليه كويس .

مش هما كلمتين حافظينهم نقولهم كل ماتش .

و نيجى على اللاعيبين لما مستواهم وحش من اول البطوله و محدش يجيب سيرتهم علشان مابيلعبوش فى الاهلى .

زى فتح الله و حسنى و هانى سعيد .

و الواحد لما شاف مستوى شيكابالا فى الماتش مع فرقه زى دى قال الناس هتخلى عندها دم و تقول انه كان وحش و لسه بيلعب اكنه فى الزمالك فرديه و استعراض .

لا طلع انه كان كويس و فعلا بديل ابوتريكه بقدره قادر بس علشان بيلعب فى الزمالك .

" يا ريت محدش يفهم كلامى غلط انا كان نفسى شيكابالا يعمل حاجه امبارح و يطلع احسن لاعب فى المنتخب بس محصلش يبقى مانقولش عليه كويس و خلاص "

يا ريت نخلى عندنا دم شويه و نفكر فى المنتخب شويه .

مهندس احمد حجار
midolovemasr   الأحد ، 17 يناير 2010 - 11:8

mabye yes mabye no

76

al mont5am kan me7tag mido la2eno 3ando emkanyat msh 3and met3eb asasan met3eb w zidan 2osyren w mido kan hayb2a gamed fel korat al 3ardya ama bet3eb maby3melsh 7aga 3'er an howa bydya3 foras w 5alas w zidan medya2 w al kora tege anfrada mafesh 7ad by5las w yeshot zAY gedo w mido law kan gedo w mido w fo2ehom sheka kanet teb2a agmad
mstrbibo   الأحد ، 17 يناير 2010 - 9:46

زيزو يسلك طريقة ميدو

75

يبدو انا النجم المصرى محمد زيدان سيسلك طريقة ميدو بالتصرف المشين اللى عمله لمل اتغير ولازم يتعاقب عشان يتعلم الادب مع مدربه وزملاؤه
refresh_65   الأحد ، 17 يناير 2010 - 9:40

مبروك لمصر وعماد شلل خنق أهلي

74

أولا مبروك الفوز بتوفيق ربنا ولعب سئ من المنتخب
ثانيا شكلى هابدأ ادعي على السوبر عماد متعب انه يتصاب ويقعد بره بقى طالما مفيش امل انه يقعد الا بالاصابة اصله لاعب تكتيكي مهم جدا بيلم المدافعين حواليه يا حلاوة دا لو وزة بتلعب في الخجوم هتلم المدافعين حواليها برده وايه يعني جاب جون في نيجيريا جون كل 10 ماتشات فينك يا عمرو براسه ماشي برجله ماشي بصدره ماشي بركبته ماشي
فتحي ده مفيش زيه في مصر راجل بمعنى كلمة راجل ووائل طبعا زيه بالظبط
شيكا جاي جاي ان شاء الله بس لسه شوية شكله متكتف وواخد تعليمات انه مايسرحش في الملعب مع ان ده لعبه اساسا الواد ده مستقبل مصر إن شاء الله بجد بيلعب كور رهيبة بس محدش بيفهمها مفيش إلا كورة زيدان لضم معاها ولو كملت كانت هتبقى حكاية
جدو أمه بتحبه
الحضري اكيد جاله برد امبارح من الوقفة لوحده في السقعة
موزمبيق كانوا 11 لاعب دفاع كويس اننا جبنا جولين.... حلوين
وأخيرا ربنا يشفيك يا ابو تريكة يا حبي الأول والأخير وترجع بضحكتك العسل دي تنور مصر كلها
hassanexcel1   الأحد ، 17 يناير 2010 - 8:46

السؤال الطبيعي لما شحاته يحط التشكييل

73

هتلعب ب متعب و ميين يا كبتن..؟؟؟؟؟؟

حاجه غريبهه
hassanexcel1   الأحد ، 17 يناير 2010 - 8:44

حدش شاف متعب!!!

72

هو مفيش حد بيتكلم علي متعب ليييههه
هو انا بشوف متشات غير اللي بتشفوهااا
يا جدعان ده كان مشلوول في الملعب
هو الراجل ده ماسك علك زله يا شحاته والا ايه
واحد زي جدو يقعد ليه لما متعب ضايع كده
كل البدايل احسن منه
زيدان يخرج ليه لما متعب مش عارف حتي يستلم الكوره و بيلعب برجل خشب
rami20002000   الأحد ، 17 يناير 2010 - 8:15

كفايه بقى حرام

71

يا جماعه كفايه بقى حرام .... عمالين نتكلم خد ومخدش وهيعمل وعمل كفايه بقى نقد احنا قاعدين بس للكلام وخلاص حسن شحاته راجل عارف هو بيعمل ايه و يستحق المكان اللى هو فيه بلاش احنا بقى نفتى ونقول كلام ملوش لازمه لو عايزين نتكلم نتكلم على لعب منتخبنا واللى مفروض نعمله وسيبوا الراجل هو وشغله وحدش يتدخل فيه ........ كلمه اخيره كفيانا كلااااااااااااااااااااااااااام بقى حرام عليكم ...ياريت تنشر يا عم
masstawetch   الأحد ، 17 يناير 2010 - 7:51

met3eb!

70

awalann mabrouk le masr!
ana 3amatan mesh ba7eb anta9ed la3iba.. bass met3eb ennaharda akenno mesh 3ayez yel3ab! mesh byet7arak, we mesh beyshoot .. malhoush ay ta2sir
ana mesh metdaye2 eno madakhalsh egwan.. ana mesh 3agebni enno mestabya3
argou en ra2ouf aw sayed 7amdi yakhdo forsethom.. we zidan bardo, 3ashan erragel bardo 3ayez yedakhal egwan.. we zidan ta2siro besor3eto aktar bektir
we shikabala kaman.. yakhod forsa tanya, 3ashan law le3eb be mostawah hayfiid el montakhab awi
intermilaan   الأحد ، 17 يناير 2010 - 7:50

الحمد لله..ولكن ما زالت المواجهات الحقيقيه لم تأتي بعد

69

لسه عند مواجهه كوتديفوار او غانا

بالمستوي ده فضيحه

الحمد لله علي الصعود
Nileboy   الأحد ، 17 يناير 2010 - 7:44

بسم الله ماشاء الله

68

1- تعادل مع الكاميرون 0\0 بطولة 2004
2- فوز على ليبيا 3\0 بطولة 2006
3- تعادل مع المغرب 0\0 بطولة 2006
4- فوز على كوت ديفوار 3\1 بطولة 2006
5- فوز على الكنغو الديمقراطية 4\1 بطولة 2006
6- فوز على السنغال 2\1 بطولة 2006
7- تعادل مع كوت ديفوار 0\0 وفوز بضربات الجزاء الترجيحية في نهائي بطولة 2006
8- فوز على الكاميرون 4\2 بطولة 2008
9- فوز على السودان 3\0 بطولة 2008
10- تعادل 1\1 مع زامبيا بطولة 2008
11- فوز على أنجولا 2\1 بطولة 2008
12- فوز على كوت ديفوار 4\2 بطولة 2008
13- فوز على الكاميرون 1\0 في نهائي بطولة 2008
14- فوز على نيجيريا 3\1 بطولة 2010
15- فوز على موزمبيق 2\0 بطولة 2010

15 مباراة على مدى 3 بطولات دون هزيمة لمنتخب مصر حطم الرقم القياسي للكاميرون 13 مباراة (أحرز 32 هدف واستقبل مرماه 10 أهداف)
كملوا يارجاله احنا أعظم منتخب في افريقيا
Nileboy   الأحد ، 17 يناير 2010 - 7:35

الفرق المتأهلة لدور الثمانية وفق مستواها في الدور الأول

67

المجموعة الأولى : أنجـــــــولا - مالــــــــــــــــي
المحموعة الثانية : كوت ديفـــــــوار - غانـــــــــــا
المجمعة الثالثة : مصــــــــــــر - نيجيريـــــــــــــا
المجموعة الرابعة : الجابــــــــــون - الكاميــــرون

مع امكانية صعود مالاوي أو تونس بدلا من مالي والكاميرون
Nileboy   الأحد ، 17 يناير 2010 - 7:31

تعليق على حفيظ دراجي المعلق الجزائري

66

كنت بتفرج على ماتش مالي وكنت مستمتع بتعليق المعلق الجزائري حفيظ دراجي
في اول المباراة اداء الجزائر كان احسن من ماتش مالي ولكن النتيجة 0\0 الدراجي كان بيقول انها بطولة نحضيرية لكاس العالم
بعد احراز الجزائر للهدف اليتيم اللي جابها حليش وقفاه للجون الدراجي كان بيقول عودة الروح لمنتخب الجزائر والعودة للمستوى الحقيقي استعدادا لكاس العالم
قبل آخر المباراة بـ 16 دقيقة ومنتخب مالي لاحول له ولا قوة وكانه واكل كسكسي الدراجي بيقول ان الـ 16 دقيقة اللي جايه صعبه على الجزائر جدا وكان مالي محصراه في نص ملعبه
الظاهر الدراجي كان بيتفرج على ماتش تاني غير اللي احنا كنا شايفينه
الدراجي تكلم عن كاس العالم او المونديال 23 طوال المباراة
ادوني عقلكم ..... تفتكروا كان بيفكر ان الجمهور الجزائري هو اللي سامعه ؟؟؟
Nileboy   الأحد ، 17 يناير 2010 - 7:24

تحليل موضوعي للمنتخب واللاعبين

65

بالرغم من الفوز على موزمبيق بس كان فيه نقاط ضعف في أداء ومستوى اللاعبين ومنها :-
1- غياب التركيز بعض الأحيان عن محمود فتح الله وعدم الربط احيانا مع عصام الحضري
2- تردي حاله حسني عبد ربه ليس بسبب المرض ولكن بسبب احترافه في دوري ضعيف مثل الدوري الإماراتي وانخفاض مستواه (الراجل شاط الهوا وعمره ما عملها وزعل جدا على حاله وماكانش مصاب ولا حاجة)
3- سوء مستوى هاني سعيد بسبب جلوسه على دكة البلادء طويلا في ناديه وكأن حسام حسن يتعمد تشوية مستوى لاعبي الزمالك في المنتخب (زي محمود فتح الله)
4- بطء أحمد عيد عبد الملك في نقل الهجمة والإنتظار طويلا كمحطة بدلا من نقل الهجمة سريعا الى ملعب الخصم
5- التمسك بوجود عماد متعب في الملعب بالرغم من انخفاض لياقته في آخر 10 دقايق في اللقاء
6- التمسك بانضمام عبد الظاهر السقا أس البلاوي كلها ( السبب الأول في هدف الجزائر - السبب في ضربة الجزاء أمام مالي - السبب في تفشي الأنفلونزا بين اللاعبين) بالرغم من استحقاق شريف عبد الفضيل او حازم امام للإنضمام بدل منه.
يجب لحفاظ على التشكيل المثالي أمام بنين كبروفة لدور الثمانية وعدم الزج بفريق غير مترابط اما فريق اقوى من موزمبيق
antar_Yahia   الأحد ، 17 يناير 2010 - 6:12

رأيي في المقابلة

64

رأيي في المقابلة :
الشوط الأول : تخوف كلا الفريقين، مقابلة مملة و دون عرض شيق، إنتظار الخصم، و تباطئ المهاجمين.
شوط يشبه مقابلة "الجزائرـ مالي".
الشوط الثاني : أحسن بكثير، مصر تستولى على مجرى المقابلة تدريجيا، و تركيز الوسط و الدفاع حتى نهاية المقابلة.
أسوء لاعب : شيكابالا (هذا لاعب بتاع أندية فقط).
أحسن لاعب : الحضري (السرعة في عطاء الكرة للمهاجمين لشن الهجومات المعاكسة).
النقطة الإجابية : مصر أحسن فريق في الدور لحد الآن، رغم غياب تريكه و زكي.
النقطة السلبية : نرفزة زيدان لما غادر الميدان.
مبروك لمصر و النصر لتونس اليوم بحول اللــــــــه
EHAB97   الأحد ، 17 يناير 2010 - 4:58

هههههههههههه

63

تخيلوا ان متعب كره كلمة تحركات دي

انا لو نزلت ابني الصغير يجري في الملعب هيسحب معاه مدافعين ويمكن يسحب مية كمان من الأرض

ههههههههههههههههههههههه

انا عمررررررررري ماسمعت عن مهاجم تحركات في الدنيا

زي عادل عبد الرحمن لما كان بينزل مكان طاهر ابو زيد في 90

شلنا وعلنا

انا لعبت كرة ياجدعان ووالله لو الظروف تسمح كنت عرفتكم مين اللي بيكتب لكم ده

ومش غرور بس ده عشان بس أثبت لكم ان الراجل ده

مابيشجعهوش غير اللي مالهمش فيها

أنشر ياحبيبي تقلت عليك اليوم معلهش اعتبرني لاعب سابق وكرمني بالنشر

اضف تعليق

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

اخر الأخبار

نرشح لكم

#قصص_كروية_للشباب بانينكا الحضري بين أهداف رائعة كأس العالم فريق الأسبوع 17 هدف بيل (سرعة، زمن، مسافة)

الأكثر مشاهدة خلال اسبوع