0
EN

عمر عبد العزيز

مؤامرة الجزائر ومجزرة السودان

سيئمقبولجيدجيد جداممتاز
الأثنين ، 28 ديسمبر 2009 - 13:10
(27)

لماذا يستخف البعض بعقلية المواطن المصري؟ .. ولماذا حول الإعلام المصري الجزائر إلي إسرائيل؟ ولماذا نسمع وحتي هذه اللحظة أعذارا وحججا تافهة من بعض المسئولين؟ ولماذا تلطخ مفهوم الوطنية السامي بشعارات لا علاقة لها بالواقعية؟

لن أعلق علي كلام أحد كبار المسئولين بمعرفة الجهات المصرية بأن هناك "مؤامرة جزائرية"- والذي أثبت براعة المسئولين الفائقة في اكتشاف الكوارث قبل وقوعها- لأن مقال الزميل أحمد عز الدين في هذا الشأن قد جمع وأوعى.

ولكن سؤالي, لماذا في هذا التوقيت وبعد أن هدأت الامور نسبيا نعيد "شحن" المشجع المصري الذي سلم أمره لله وبدأ التفكير في كأس الأمم بمبررات أقل ما يمكن أن توصف به إنها إستفزازية.

والكلام ليس موجها لشخص بعينه لأن الفرد أيا كانت مكانته يبقي معرضا للخطأ, ولكن مايدعو للاشمئزاز هو ذلك الاتجاه العام الذي أعقب أحداث المواجهة الشهيرة بين مصر والجزائر.

مؤامرة مدبرة

مع احترامي الشديد لحسن شحاتة واقتناعي أنه افضل من قاد المنتخب علي مر العصور إلا أن تصريحات المعلم السابقة حول الخروج من تصفيات كأس العالم لم تكن مقنعة.

فهل من المعقول ألا يتحدث المدرب عن الفنيات رافضا الإعتراف بالهزيمة وأن يضع مبررات ضعيفة لإخفاق المنتخب بدأت منذ هزيمة بليدة؟

لا أنكر ما حدث في السودان من اعتداءات علي مجموعة من المصريين علي يد "بعض" البلطجية الجزائريين ولا أجد حرجا في أن أصف هذه الفئة تحديدا بالبلطجية والهمج .. ولكن.

من الغباء أن نحكم علي كل الجزائريين بهذه الحادثة ومن السذاجة أن نكتشف فجأة أن شعبا بأكمله "يكره المصريين ويحقد عليهم" بسبب مباراة, ومن السخافة أن نبرر فشلنا في الوصول لكأس العالم بالتعرض لـ"مؤامرة مدبرة".

إن تعرض أعضاء الجهاز الفني للتسمم قبل مباراة بليدة لم يؤثر بأي حال من الأحوال علي نتيجة المباراة الأولي ولو افترضنا جدلا إنها كانت مؤامرة مدبرة, فكان الأحري أن يدس الطعام الفاسد للاعبين .. ثم لماذا يفتح هذا الملف الآن وبعد مرور ستة أشهر؟

ثم إن الأحداث التي أعقبت لقاء السودان لا يمكن وأن تكون قد أثرت علي النتيجة النهائية لأن كل المشاكل ظهرت بعد المباراة بثلاث ساعات.

وبالتالي فإن عبارات مثل "مؤامرة مدبرة"و "مجزرة السودان" و"مذبحة أم درمان" و"جرائم الجزائريين" هي مبالغة مثيرة للسخرية و فعلا وللأسف جعلت العالم يضحك علينا بدليل أن (بفضل الله) لم نسمع عن إصابة واحدة بالغة من آلاف المصريين الذين عادوا من السودان.

 
بعد أن ساهمت بعض وسائل الإعلام الجزائرية في توليع الامور قبل المباراتين, تركت الصحافة الجزائرية "مضمار الهوهوة" للإعلام المصري الذي مازال يستفز الجزائريين والمصريين.

وفي نفس السياق مازال سمير زاهر رئيس اتحاد الكرة يتحدث عن الأزمة من زاوية محدودة زاعما أنه سوف يقدم للفيفا CD مدعم بالأدلة التي تدين الجزائر, وانا علي يقين أن الفيفا لن يري ما بداخل الملف المزعوم لأنه قد أغلق القضية تماما.

إن ما حدث في السودان شئ مؤسف بالفعل ولكن يجب الاعتراف أن عالم كرة القدم لا يخلو من الشغب خارج الملاعب وأن هناك ما هو أفظع من ذلك في أوروبا وأمريكا الجنوبية, ولذلك فإن "ملف السودان" الموجه للفيفا هو "عشم إبليس".

المنافسة الشيقة

في تقرير علي موقع الفيفا يوم الأحد يتضمن أهم أحداث العام وقع الاختيار علي مواجهة مصر مع الجزائر بأنها أهم الأحداث الرياضية في العالم العربي خلال 2009 وقد أشاد الاتحاد الدولي لكرة القدم "بالمنافسة الشيقة" بين الجارين.

ولكن في الحقيقة عندما نعيد النظر في الأمر برمته فيمكننا القول إنها كانت "حاجة تكسف".. والمسئول الأول في نظري ليس المواطن المصري أو الجزائري وبالطبع ليسوا لاعبي الفريقين الذين أدوا اداءا مشرفا حتي النهاية.

ولكن المسئول الأول هو الإعلام الفاسد في البلدين والذي نجح في محاولته لجذب الانتباه بأي وسيلة ممكنة بل وتحقق له أكثر من ذلك حيث حول" المنافسة الشيقة" إلي حرب شعواء.

بعد أن ساهمت بعض وسائل الإعلام الجزائرية في توليع الامور قبل المباراتين, تركت الصحافة الجزائرية "مضمار الهوهوة" للإعلام المصري الذي مازال يستفز الجزائريين والمصريين علي حد سواء بعد الأزمة.

الإعلام الفاسد هو الذي نشر فيديو من سنة 2006 لمجموعة "عيال" جزائريين يحرقون زي المنتخب المصري فشحن ملايين المصريين ضد الجزائر وبالتالي قام بعض "العيال" برشق حافلة الجزائر في القاهرة بل وبكل برود قام نفس الإعلام بإتهام اللاعبين بتعمد إصابة أنفسهم بدلا من التكذيب علي الأقل!

رد الخصم كان أكثر فجرا حيث اخترع الإعلام الجزائري الفاسد قصة "القتلي الجزائريين" في مصر, فحدث ما حدث في السودان كرد فعل من بعض الجهلة.

وهاهم الإعلاميون والمسئولون يستمرون في تضليل المشجعين بمزيد من الأكاذيب التي لم يعد المواطن المصري العاقل يهضمها بسهولة.

بعد هزيمة السودان مباشرة اعترف إني انجرفت وراء التيار الإعلامي الشديد شأني شأن أي مواطن مصري عاشق لهذا البلد, ولكن مع مرور الوقت وظهور الحقائق أيقنت إننا "بيضحك علينا".

قد ينزعج البعض من إتخاذي موقفا محايدا في بعض الكلام السابق وألتمس لهم العذر, ولكن حرصي علي كرامة بلدي وعلي وجوب إحترام عقلية المصري دفعني لأتعامل مع الأمر بشئ من العقلانية التي جعلتني أوقن أننا في حاجة لأن ننظر لأنفسنا قبل أن نلوم "المؤامرات".

ملحوظة: اعتذر لأني ذكرت لفظ "الهجص" علي لسان حسن شحاتة وذلك أني عندما راجعت تصريحاته تأكدت أنه قد إستخدم هذه الكلمة في موضوع آخر واشدد علي إنتقادي لموقفه هذا بالذات وليس لشخصه ولازلت أري أنه الأجدر بقيادة المنتخب.

تعليقات فيلجولرز (27 تعليق) اضف تعليق

be1a1   الخميس ، 31 ديسمبر 2009 - 13:50

يسلم فمك..

27

من الآراء العاقلة النادرة
mimosemsema   الأربعاء ، 30 ديسمبر 2009 - 14:34

معاك....ومش معاك

26

معاك ان الاعلام بتاعنا ساعد فى التسخين باذاعة بعض الصور والفيديوهات الكاذبة لكن....
فى بلاد الهمج اذاعو ضعف ما اذاعناه كاذبا ولم يقر احد او يكذب هذا
انت عارف انت بتعمل ايه كده؟؟؟؟؟؟؟؟؟؟ بتقول للعالم بعد ماالناس اتضربت (ولو حتى تم ترويعهم بس) والشركات اللى اتحرقت ان احنا اللى غلطانين فى كل شئ
اعلام مضلل ووصف مبالغ فيه من الناس وكذب مسئولين وتقصير فريق
اما بلاد الهمج فهم ملائكة عارف ليه؟.......... علشان هما مش بيكدبو اى حاجة زى منت بتعمل حتى لو متأكدين من عدم مصداقيتها

الله يباركلك.....شوهوا فينا كمان وكمان

انشر ياعمنا الواحد مبقاش فيه دم يتحرق
kingxxl   الأربعاء ، 30 ديسمبر 2009 - 13:32

عدم محاسبة حسن شحاته ورفاقة على خروجنا من كاس العالم هو الهجص بعينه !!

25

اقسملك بالله كان هذا رأي من قبل الأزمة ولكن عندما تجد الهمج الرعاع الذين يجرون وراء كل ناعق هم اصحاب الصوت العالي فصوت العقل يختفى برهة من الزمن .. ولست انت وحدك فقط الذي احترم عقول كثير من المصريين في هذه الأزمة بل كصير من كتابنا فعلوا ذلك ..ولذلك اشكرك ايها الاخ الفاضل وبالطبع ستجد من يهاجمونك هناولكن لا تابه .. اما لفظ ( هجص ) الذي نسمعه من شحاته كيرا فهو صادق فيه ان كان يقصد مايفعله هو !؟ فعلا
kamo_dark   الأربعاء ، 30 ديسمبر 2009 - 10:55

مع احترامي الكبير لصاحب المقال العقلاني

24

بس انا ليا راي انتا بتتكلم عن الاعلام المصري انو ضللنا
تاب لحد دلؤتي ماسمعتش اي حاجه من الجانب الجزائري بتقول انن اخوات و بلدين شقيقين
ادخل علي مواقع الاخبار بتاعة الجزائر و شوف بيتقال علينا ايه لحد النهارده( يهود-اسرائليين-سفاحين غزه-موتئامريين علي فلسطين-حراميه-.........وغيره و غيره)
العلم بتاعنا لما اتحرق و اداس عليه بالجزم و بالعربيات و اتلف علي تابوت
و لحد دلوئتي ماسمعناش حد فيهم قال ان الكلام ده غلط ولا حصل من ناس هوجائيين او من قله فاسده لكن بالعكس بيتقال علي الناس ديه هناك انهم ابطال و مناصريين للعروبه و الاسلم
ولما جيه لاعب منهم اتكلم في مجله المانيه و قال مستعد اروح مصر و اعتذر تلعوا كدبوا الخبر
في الاخر ديه وجهة نظري الشخصية
برجاء النشر
MeDo_SeLiM   الأربعاء ، 30 ديسمبر 2009 - 0:14

عشان هو كدا

23

عشان الشعب المصري كدا بيحب اللى ياخده على قد عقله
والمسئوليين بيدوا حقن تخدييير واغلب الشعب غلبان وبيتخدر حتى الشباب المتعلم ملقاش حاجه يخرج فيها غله وقرفه وكبته خرجه فى كره الجزائر معقول عشان شوية فئه بلطجية شتموا او حدفوا بالطوب يبقى شعب الجزاير كله ابن ستين فى سبعين
ما احنا عندنا ياما بنعمل فى بعضنا ماتشات اهلى وزمالك واهلى واسماعيلي
احنا خسرنا عشان منستحقش عشان هما لعبوا احسن وبس مفيش لعيب حد كان رابط رجله ولا حد كان ماسك رجله وهو بيجري ال 11 لاعب لعبوا قدام 11 زيهم مش 15
عليه العوض
pippo_9   الثلاثاء ، 29 ديسمبر 2009 - 18:40

مؤامرة الاعلام وبراعة الفانين...

22

على خلفية الاحداث التي صاحبت المباراة....

للأسف الشديدالاعلام المصري ظلل الشعب وجعله يتناسى

اخفاق المنتخب في المباراتين وخروجنامن التصفيات مطأطأين الرأس

ونردد الحمد لله أننا خسرنا لاننا كنا سنموت في السودان.!!!

عموما لن ينفع الحديث وأن فات الفوت لا ينفع الصوت...

تحياتي لك عزيزي..مقال رائع...
foumed   الثلاثاء ، 29 ديسمبر 2009 - 18:5

يلاش عتاب

21

السلام عليكم
أحبتي في مصر من المغرب أتوجه إليكم أن تنسوا مافات يخيره وشره وانظروا إلى المستقبل فالبرغم من أنني لست مصريا فلقد تجرعت مثلكم كاس الحسرة والإحباط من جراء الإثصاء ولا زالت تتراءى لي صورة وجه أحمد فتحي الموهوب وقد علا محباه الصبوح لون داكن من فرط الإجهاد والضغط الذي ولدته مباراة أم درمان ومن قبلها مباراة القاهرة ووجه أحمد عيد وهو يغادر الملعب وعلامات الأسى تظهر غليه.
مرة اخرى كفاية وبلاش عتاب ولا بد بإذن الله أن يتأهل منتخب مصر لكأس العالم.
tsalah   الثلاثاء ، 29 ديسمبر 2009 - 15:19

الاعلام البديل

20

بجد شكرا على المقال
و هى دى فايدة الاعلام البديل المتمثل فيكوا و فى المدونات ما بيطبلش و لا يزمر و لا يمشى بثقافة السوق , اعلام بيحترم مهنته بيحترم عقلية المتلقى
و يا ريت تفضلوا كده على طول
italian_stallion   الثلاثاء ، 29 ديسمبر 2009 - 11:46

أخيرااً

19

والله أنا عامال أتكلم نفس الكلام دا من ساعة الماتش ... المشكلة بئة إن المدير الفني المحترم حسن شحاتة إلي رفض يستقيل هو السبب الأول في ضياع الماتش ... ومن حسن حظو للاسف إن حصل إلي حصل في السودان ... إن ما في حد طلع حلل الماتش فنياً وقال الحقيقة إن الجازائر لعبت الماتش أحسن مننا ... كلو مسك في أحداث السودان "المذبحة" ...
chimie   الثلاثاء ، 29 ديسمبر 2009 - 0:44

متهيألى دى أحسن مقالة قريتها فى الموقع ده

18

برافو بجد إنت كاتب محترم
ddsf   الأثنين ، 28 ديسمبر 2009 - 23:36

17

ياعم ايجيبت لوفر انت بتتكلم ف ايه اذا كان سواق الاتوبيس شهد عليهم وقال هما كسروا الازاز من جوة وبعدين الاتوبيس موقفش خالص فى وسط السكة وكان ماشى بسرعه 80 كم ازاى يعنى الطوبة هتدخل وتكسر الازاز ولازالت تحتفظ بقوتها عشان تضرب نافوخ اللعيب بهذا الشكل بعدين اللاعبين رفضوا عرضهم على الكشف الطبى..والله محد عارف مين الصادق ومين الكداب
egyptian7160   الأثنين ، 28 ديسمبر 2009 - 22:54

علاقة الجيش بالشعب

16

كلام موجه للاخ abofarha
هل ممكن تثبت للكل الناس اللي في النتدى ده اتهامك لرئاسة الجزائر بالمامرة على الشعب المصري؟
الشيء الذي لا يريد الكثير بل و الغالبية فهمه هو ان لجوء الحكومة الجزائرية لطائراتها العسكرية انقل المشجعين هو شيء جد بديهي, لان العدد الكبير من المشجعين لا يمكن ابدا نقلهم بطائرات مدنية فقط و السبب بسيط وهو محدودية امكانيات الخطوط الجزائرية و ضيق الوقت, و انل بالعكس اثمن ما فعلته هذه الحكومة لمساندة فريقه, فلقد سمحت للشعب الوقوف وراء فريقه و الحضور باعداد كبيرة لمساندتهم خاصة بعد الاعتداء الذي تعرضوا له في القاهرة
ممكن احنا مش قابلين فكرة مساعدة الجيش للشعب على شان احنا عايشين من عشرات السنين تحت قانون الطوارئ و علاقتنا بالجيش هي علاقتنا بالسلطة لان الجيش عندنا ادات للسلطة .... بس في الجزائر الجيش الشعبي الوطني هو امتداد لجيش جبهة التحرير و علاقتو بالشعب علاقة عضوية و تفاعلية رغم كل التجاوزات و النقائص....
انا بطلب من الاطراف اللي اكدت ان لعيبة الجزائر متصابتش و ان ده كان دم فشنك. اطلب منهم يحلفو عالمصحف بكلامهم ده
mouradnabil   الأثنين ، 28 ديسمبر 2009 - 22:26

شكرا

15

شكرا لك ايها الكاتب كنت عايز اقول الكلام ده من زمان بس مشعارف اقوله ازاى فعلا مستحيل اصدق حكايه ان الجزائريين ضربوا انفسهم و حكايات كتير كلها كدب كل ده بسبب الاعلام المصرى و الجزائرى و كانت النتيجه هى شرخ فى علاقه شعب مصر و شعب الجزائر
BlueTube   الأثنين ، 28 ديسمبر 2009 - 20:40

لو الفوز بالتاريخ مكنش فرنسا والارجنتين وصلو بالعافية

14

للاسف احنا كمصريين عاطفيين ولسنا عقلانيين، عاوزين نعلق فشلنا في الوصول إلى المونديال على شوية كلام فارغ. ممكن يكون حصل حاجات من بعد الجزائريين ولكن هل هذا هو السبب في عدم وصولنا؟ في الحقيقة لو احنا نظرنا إلى مستوى منتخبنا منذ بدء التصفيات (بعد كأس القارات) هنلاقي إن مستوانا كان ضايع بداية من مباراه زامبيا في مصر. أسئلك سؤال : لو شفت مباريات مصر بعد كأس القارات من غير متعرف إن دة فريق مصر هتقول عليه هو دة نفس الفريق اللي كان بيلاعب البرازيل و إيطاليا ؟ لو الفوز بالتاريخ مكنش فرنسا والارجنتين وصلو بالعافية
b_anelka   الأثنين ، 28 ديسمبر 2009 - 19:54

mrmilano

13

يا عم mrmilano انت الراجل ماجابش سيرة ناس بتتدلع ولا حاجة...كل اللي قاله ان كان في مبالغةمن اعلامنا...وده مش كلامي ده كلام ناس كانت في السودان يعني كانت ايدهم في النار اكدوا ان في مبالغة غير مقبولة
mrmilano   الأثنين ، 28 ديسمبر 2009 - 19:26

مختلف معك تماما

12

كلام عجيب ان بعد كل ما حدث يظهر بيننا من يردد كلامك هذا يا اخ عمر و يبدو انى كنت مخطئا عندما اعتقدت ان تيار جلد الذات انحسر على الاقل بين الشباب لكن للأسف كلام حضرتك بيقول العكس
تصريح المسئول المذكور هو حجة على قائله لأنه مابقاش ممكن نعذر المسئولين بعدم العلم انما حضرتك على البر و عوام زى ما بيقولوا لأن كل من ذهبوا الى هناك و من بينهم اشخاص بالتأكيد متدلعين و ممكن يعتبروا اى ضجيج يعتبروه محاولة قتل انما كمان كان هناك ناس لفوا الدنيا و لهم قدرهم و نجوم دوليين لعبوا فى اغلب الدول الافريقية و شافوا كتير و كان الوصف اللى اجمع عليه الكل انها كانت هاتبقا مجزرة لولا ستر ربنا و توفيقه و تهييئه لاسباب النجاة لاهلنا اللى كانوا هناك و من بينها طبعا دور الامن السودانى و دور الشعب السودانى العادى و دور بعض المسئولين رغم اعتراضنما طبعا على مجمل اداء المسئولين فى الازمة ككل فياريت تراجع كلامك لان مش ممكن كل هؤلاء بيتدلعوا و حضرتك اللى ايدك فى الماء البارد شايف الحقيقة المكشوفة لكم ربنا يصلح احوالنا جميعا و شكرا لحضرتك
SHIKH_IMAM   الأثنين ، 28 ديسمبر 2009 - 18:55

to gahir aziz

11

واللي ردك اضحكني حتى الثمالة .. ياعم انا شفت الفيديو ده ميت مره قبل كده بتاع الهرج والمرج ده اللي بيفكرني بالطوبه اللي محطوطه على طربيزه كده (من غير يعني لا صوره جيه منين ولا رايحجه فين) اللي حاطينها في ملفنا ... المهم انا كنت اقصد اتصال تاني حصل ومش مجرد الاتصال بس ده هو اساسا وبشهاده ناس خرج واتفسح وهيس ولا حصل شيء وكانوا بيشيشوا .. انا بقا حقولك حصل ايه مشجعين جزائريين من الدرجه التالته قدامهم فنانين وفنانات طبيعي ان دول يزعروا يوقولو حنتقتل ويكبروا الموضوع عشان هما مش وزاخدين على جو المتشه وحقولك حاجه كمان اقسم بالله والله العظيم واحد فنان قال ان المغني ده عمل كده عشان كان عايز يروح بدري بدري (ممكن كان وراه تصوير او عشان خايف) مش حدخل جوه نفسه بس المهم كبر الموضوع وخلاص اما بخصوص الفيديوهات انا مكنتش عارف انه ينفع يتحط ليييييييينك لكن مادام حطيت ايه رايك بقا يا معلم في طبيب السفاره يعني شغلته ولا بعد متسمعه برضو حتقول الفنان فلان الفلاني قال يلا شغل النت واستمتع بكلا م الدكتور مع عمر اديب وشغل مخك شويه http://www.youtube.com/watch?v=JMxpw9DxtGU&feature=related
Egypt_big_lover   الأثنين ، 28 ديسمبر 2009 - 18:42

To DDSF v v v iMP

10

Awalan ana wallahy el 3azeem masry gedaaan we ba3sha2 masr...bas shahadet 7a2 rabena ye7sabny 3aleha.....enta kont bets2al mawdo3 el dam wel 2elsabat dah 7a2e2y wala la2?.......bos ya seedy ana dr gera7a...khareg el sana ely fatet.....leya as7aby awel matkhrgo ra7o el takleef...el taklef ba3dthom el matar el 7agr el se7y 3 l Swine Flu.....el dacatra doool lehom as7abhom shaghlen fel fare2 el teby beta3 hotel el gazyer...wel nas deh b2a so7aby....el nas deeh bet7lefly en el la3eba el gaza2ren 2etsabo begaad....we makansh daam....we kan feeh takarer tebya 2et3mlt be keda.. we mas2ol el fifa kan mawgod we sagel kol daah.......2omal enta teftekr 7at3mel 3alena 3okobat leeeh???????.............aywa 27na darabna el bus bel toob-----wa7ed 23rafo kan men el nas deh we kan bey7kely eno rama toba 3ala el 2ezaz we far7an awee benafso-----.....aywa el la3eba bet3hom 2et3waret.............aywa 27na el bada2na el mawdo3 be 23lamna el ZEBALAAAAAA men abl el match be shahr we 3adna neze3 videohat malhash lazma le shewayet morahken 3ala el net we karhtna fe sha3b el gazayer el shakek......we 27na ely 23lmana ba3d kool dah 2aal enohom beymthelo weno katchub!!!!!.....we7na bardo ely ba3d matbahdelna fel sudan we 2ethan karamet el mowaten el masry makhdnash 7a2ena men el motasabeb el ra2esy we 23dna neshtem we neheen fe sha3b we dawla kamla shakeka we khesrna tany akbar dawla fel watan el 3araby lel 2asaf.....badal man7aseb el mas2olen el gaz2ryen ely kano wara el mo2amra we ne3lanha sara7a we nakhod 7a2ena 3amlna el 7aal el ashaal ely mafehosh mashakel we sebna el tv le kol men hab we dab yetla3 yeshtem we yeseb we dawla kamlaaa we sha3b kameel...sha3b wa2ef m3ana fe 2zmetna zay ma7na we2efna m3ah fe 2ezmto...wel tarekh msh beykdeb...2olna 3alehom yahood.........barbar.....hamaag......kawadeen....3aheraat......KOOL DAH 2OLNA FEL TV BET3NA WE MEN EL NAS BEYT2AL 3ALEHOM NAS MAS2OLA!!!!

YAKHSARA WE YAFR7ET iSRAEL FENAA......:(:(


EGYPT BiG lOVER/ DR SURGEON MOHAMED MAGDY
ddsf   الأثنين ، 28 ديسمبر 2009 - 17:59

9

اخوى صاحب المقال لو فعلا بينضحك علينا ..انا لحد دلوقتى عايز اعرف حقيقة تمثيلة حافلة الللاعبين الجزائريين ول فعلا لوثوا وشهم بدم عيرة اما ماذا حدث بالظبط وهل الدماء دى حقيقية؟؟؟؟
abofarha   الأثنين ، 28 ديسمبر 2009 - 17:50

للأسف حضرتك مش واخد بالك من شئ مهم جدا

8

للأسف حضرتك مش واخد بالك من شئ مهم جدا ان اللى حصل في السودان ماكانش شغب من قلة مدسوسة زي اللى حصل عندنا في مصر لكن اللى في السودان كان بترتيب من الحكومة الجزائرية و الرئيس الجزائري شخصيا وهو ده الفرق اللى اساسه حصلت الأزمة السياسية وطبعا أعتقد انك ماكنتش فاهم كده وانت يتحلل اللى حصل لأنك لو فاهم حقيقة ماحدث من إخراخ المساجين والطائرات الحربية المرسلة واغلاق المطار بعد المباراة هتفهم اننا كان من الطبيعي اننا نفوز لكن قدر الله للمصريين اللى راحوا انهم يتكتبلهم عمر جديد لأننا لو كنا فزنا كانت هناك خطة مدروسة و متخطط ليها مخابراتيا لكن الله وحده هو من أفشل مخططهم وتيجي بعد ده كله تقولى قلة مشاغبة ؟ عيب الأستخفاف بالعقول للدرجة دي برجاء النشر للحيادية

اضف تعليق

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

اخر الأخبار

نرشح لكم

هدف بيل (سرعة، زمن، مسافة) بيل ليس الأسرع في العالم الق #قصص_كروية_للشباب كأس العالم

الأكثر مشاهدة خلال اسبوع