محمود فايز يكشف كواليس مثيرة من معسكر منتخب مصر #في_الجابون

كشف مجمود فايز مساعد هيكتور كوبر المدير الفني للمنتخب المصري عن كواليس مثيرة من معسكر الفريق في الجابون.

عادت بعثة الفراعنة إلى القاهرة بعد خسارة المباراة النهائية لكأس الأمم الإفريقية 2017 على يد الكاميرون.

وكتب فايز عدة كلمات عبر حسابه الشخصي على فيسبوك يوم الثلاثاء أوضح من خلالها عدة تفاصيل يكشفها لأول مرة.

أخبار متعلقة:

إنفوجرام في الجول - حصاد هجوم منتخب مصر في الجابون #في_السوبر - الأهلي يعلن انتهاء أزمة معلول.. ووصول خماسي منتخب مصر للإمارات #في_السوبر - ماذا يحدث في القمة بعد خوض مصر لنهائي كأس الأمم مدرب أوغندا لـ في الجول: لن أرحل قبل التأهل لكأس العالم.. والسعيد هو توتي مصر

فيما يلي كلمات مساعد كوبر المؤثرة

حوالي ٣٦ يوم فاتوا علينا مع بعض.. جهاز فني وإداري وطبي و لاعبين... فاتوا كالحلم... اشتغلنا وتعبنا وقاتلنا.. ضحكنا و بكينا.. سهرنا و قلقنا و فرحنا...من احلي ايام حياتنا...

شكراً للاعيبة الابطال... اللي بجد ضربوا اقوي مثل للتحدي و الاصرار و العزيمة و التضحية...

هنحكي لاولادهم و اهاليهم انهم قاتلوا حتي النهاية... لحد اخر نفس... خرجنا مرفوعين الراس بجهدهم و عرقهم...

-هنحكي لاولاد النني انه كان بيصحي كل يوم الساعه ٥ الفجر تقويات في حمام السباحة علشان يلحق المباريات..!!

-هنحكي لاهل مروان و عبدالشافي و كوكا و اكرامي و الشناوي انهم كانوا بيبكوا دم علشان الاصابة... وانهم قاتلوا للعودة

-هنحكي عن قتال صلاح وعبد الله ورمضان وورده و فدائية طارق و ابراهيم صلاح وتريزيجيه وتحدي الحضري و صلابة حجازي و علي و رجولة فتحي و المحمدي و روح كهربا و عمر وكريم و طلبه ودويدار و سعد

هنحكي بفخر و عزه عن ابطال 2017

احنا مخلوقين في الدنيا دي علشان نسعي و نعمل و نجتهد ومش لازم في الاخير ننتصر... فالانتصار نسبي... السعي و الجهد و العرق ده في حد ذاته انتصار... لان بجهدك وعرقك وتعبك خلاص انت انتصرت... كسبت... يمكن كان نفسنا نفرح الشعب الطيب الغلبان بالكاس بس قدرالله وماشاء فعل

شكراً لاخواتي في الجهاز الفني... الجهاز الطبي... الجهاز الاداري... الكل اخلص و اجتهد و تعب...!!!

شكراً للناس كلها اللي دعمت ووقفت ورانا قبل البطوله و بعدها...

ويارب نعوضها في كاس العالم 2018